Facebook နဲ့ Microsoft ပေါင်းပြီ
Microsoft ရဲ့ Online Services Division ရဲ့ President ဖြစ်သူ Qi Lu ၏ ဗုဒ္ဓဟူးနေ့က ကျင်းပတဲ့ သတင်းစာရှင်းလင်းပွဲတွင် ပြောကြားချက်အရ Microsoft အနေဖြင့် Facebook နှင့် ပူးပေါင်း ဆောင်ရွက်မှုတွေ ပြုလုပ်တော့မှာ ဖြစ်ကြောင်း သိရသည်။ အဆိုပါ ပူးပေါင်းဆောင်ရွက်မှုတွင် အဓိက အကျဆုံး ပူးပေါင်းမှုမှာ ကမ႓ာပေါ်တွင် နာမည်အကြီးဆုံး လူအများဆုံး လူမှုကွန်ယက်ဖြစ်သော Facebook တွင် Bing ရှာဖွေရေး အင်ဂျင်ကို ပေါင်းထည့်မည့် အစီအစဉ်ဖြစ်သည်။
Lu ၏ လက်ထက်တွင် Bing ၏ စွမ်းဆောင်ရည်များ မြင့်တက်လာခဲ့ပြီး Google ၏ အဓိကအကျဆုံး ပြိုင်ဖက်အဖြစ် ပြန်လည် ရပ်တည် လာနိုင်ခဲ့သည်ဟု ဆိုရမည် ဖြစ်သည်။ Google အနေဖြင့် အမေရိကန် ပြည်ထောင်စု၏ ရှာဖွေရေး အင်ဂျင် စျေးကွက်၏ ၆၀ ရာခိုင်နှုန်းကျော်ကို ဆုတ်ကိုင်ထားနိုင်ဆဲ ဖြစ်သည်။ သို့သော် Bing ၏ ခြေလှမ်းများသည် Google အတွက် သတိမထားလို့ မရသော အနေအထားဖြစ်လာခဲ့ပြီဟု ဆိုနိုင်သည်။ ယခုကဲ့သို့ Facebook နှင့် ပူးပေါင်းမည် ဆိုသောအခါ ပို၍ သတိထားရတော့မည် ဖြစ်သည်။
Lu သည် ယခင်က Yahoo တွင် အကြီးတန်း ရာထူးတာဝန် ထမ်းဆောင်ခဲ့သူ ဖြစ်ပြီး Microsoft မှ အရခေါ်ထားသူဖြစ်သည်။ Lu ၏ ပြောကြားချက်အရ Bing အနေဖြင့် Facebook အတွက် ပိုမိုစွမ်းဆောင်ရည် မြင့်မားသော Search အနေဖြင့် ကူညီပေးမည် ဖြစ်ကြောင်း သိရသည်။
Facebook comments:
5 Responses
Leave a comment
About the Author
Thiha
စာမရေးရ မနေနိုင်သူ၊ ဒီဇိုင်းဆွဲခြင်း၊ ပရိုဂရမ်ရေးခြင်း၊ အင်တာနက်တွင် သင်ယူခြင်းတို့ အမြဲမပြတ် ပြုလုပ်နေသူ၊ နည်းပညာနှင့် ပတ်သက်လျှင် အကုန် စိတ်ဝင်စားသူ၊ ကလေး တစ်ယောက် အဖေ၊ နည်းပညာသမားအပေါ် နားလည်မှု အပြည့်ပေးနိုင်သော ဇနီးတစ်ယောက်၏ ခင်ပွန်း၊ Myanmar Links မှာ နည်းပညာ အကြောင်း သောင်းပြောင်းထွေလာ သင်တဲ့ဆရာ ... လောလောဆယ် လေ့လာနေတာက iOS
Ads
ကျွန်တော် သိသလောက်တော့ Facebook ထဲက web search က bing ကို သုံးထားတာ ကြာလှပြီ။ Facebook ရဲ့ Database က cassendra ကို သုံးထားပြီး search အတွက် တော်တော်အဆင်ပြေပါတယ်။ Bing နဲ့ ပေါင်းပြီး ဘယ်လို လုပ်မလဲတော့ မသိ။ စိတ်ဝင်စားစရာပဲ။
သူတို့က တိတ်တိတ်ပုန်း ပေါင်းနေတာ ကြာပြီဗျ၊ ခုမှ တရားဝင်ထုတ်ပြောတာ
အခုမှ တရားဝင် လက်မှတ်ထိုးတာပေါ့နော်…
လက်မှတ်မထိုးလည်း အရပ်က သိပါတယ်အေ . . .
ဪ.. လက်စသတ်တော့ အဲလိုကိုး..
what are you doing lu