Text Formatting
စာမေးပွဲဖြေနေရလို့ ကျွန်တော်မရေးဖြစ်တာလည်း ကြာပြီ … အခုတော့ ဖြေပြီးသွားပြီဆိုတော့ html အကြောင်းလေးကို ပြန်ဆက်ကြတာပေါ့၊ ဒီတစ်ခေါက်ပြောပြပေးမှာက html မှာ စာတွေကို ပြင်ဆင်တာနဲ့ပတ်သတ်လို့ အဓိကထားပြီး ပြောမှာပါ၊
ကဲ … ပြောနေကြာတယ်၊ အခုပဲ လုပ်ကြတာပေါ့။ အောက်မှာ တစ်ချက်လောက် လေ့လာကြည့်ပါ …
<html> <body> <p>This text is normal</p> <p><b>This text is bold</b></p> <p><big>This text is big</big></p> <p><i>This text is italic</i></p> <p><code>This is computer output</code></p> <p>This is<sub> subscript</sub> and <sup>superscript</sup></p> </body> </html>
ဒီနေရာမှာ <p> နဲ့ </P> ကြားမှာ ရှိတာက စာပိုဒ်တွေဖြစ်ပါတယ် … တစ်ကြောင်းချင်း ခွဲရိုက်ချင်လို့ paragraph code <p> ကို သုံးပါတယ်၊
နောက် … <b> နဲ့ </b> ကြားမှာရှိတာကို html က bold လုပ်ပေးပါတယ် …
<big> နဲ့ </big> ကျတော့ bold နဲ့ပဲ ယှဉ်ပြောမှ ရမယ်ထင်တယ် … <big> က bold နဲ့ အရွယ်အစားအတူတူပါပဲ၊ ဒါပေမယ့် bold( <b> ) လောက်
စာသားကို မထူပေးပါဘူး။
<i> … </i> ကိုတော့ သိပြီးသားပါ၊ စာလုံးစောင်းလေးတွေ လုပ်ပေးတဲ့ code ပေါ့။
နောက်တစ်ခု တိုးလာတာက <code> … </code> ဆိုတာပါ … သူကဘာလုပ်ပေးလဲဆိုတော့ ကျွန်တော်တို့ html ရေးတဲ့အခါမှာ ပေါ်တဲ့ စာလုံးပုံစံမျိုး
ကွန်ပျုတာက ထုတ်ပေးတဲ့ ပုံစံမျိုး စာသားကို လုပ်ပေးတာပါ၊ code ကို ကိုယ့်ဘာသာ စမ်းကြည့်လိုက်ရင် ပြောတာထက် နားလည်မှာပါ။
နောက်တော့ စာလုံးကို အောက်ခြေနား ရောက်စေချင်ရင်တော့ <sub> … </sub> ကြားထဲမှာ ထည့်ရေးပါတယ် … (ဥပမာ။ ။CO2 ပေါ့)
sub ဆိုတာ subscript ရဲ့ အတိုကောက်ပါ၊
စာလုံးကို အပေါ်ထောင့်နားတင်ရေးချင်တယ် ( ထပ်ကိန်းတင်ချင်တယ်ဆိုရင်) တော့ <sup>…</sup>ကိုသုံးပါတယ် … superscript ရဲ့ အတိုကောက်ပါ …
(ဥပမာ။ ။X2+Y2 ပေါ့)
အဲဒီလိုမျိုး Text Formatting နဲ့ ပတ်သတ်လို့ ကုဒ်တွေ အများကြီးရှိပါသေးတယ် … တစ်နေ့တစ်မျိုးစမ်းရင်တောင် မှတ်မိမှာပါ … ရှင်းလင်းချက်တွေကိုတော့ ကုဒ်
တွေရဲ့ Content မှာ ရှင်းထားပေးပါတယ် … အချိန်ရရင် try ကြည့်ဖို့ အောက်မှာ …
<html> <body> <p><b>This text is bold</b></p> <p><strong>This text is strong</strong></p> <p><big>This text is big</big></p> <p><em>This text is emphasized</em></p> <p><i>This text is italic</i></p> <p><small>This text is small</small></p> <p>This is<sub> subscript</sub> and <sup>superscript</sup></p> </body> </html>
နောက်တစ်ခု
<html> <body> <pre> This is preformatted text. It preserves both spaces and line breaks. </pre> <p>The pre tag is good for displaying computer code:</p> <pre> for i = 1 to 10 print i next i </pre> </body> </html>
နောက်တစ်ခု
<html> <body> <code>Computer code</code> <br /> <kbd>Keyboard input</kbd> <br /> <tt>Teletype text</tt> <br /> <samp>Sample text</samp> <br /> <var>Computer variable</var> <br /> <p><b>Note:</b> These tags are often used to display computer/programming code.</p> </body> </html>
အချိန်ရရင် ရသလောက် စမ်းဖို့ပါ … ကြားရက်တွေမှာ ကျွန်တော်လည်း ပြန်စမ်းရဦးမယ် … html မလုပ်ဖြစ်တာ ကြာပြီလေဗျာ။
ဒါကတော့ လိပ်စာရေးတဲ့ပုံစံလေးပါ …
<html> <body> <address> Donald Duck<br /> BOX 555<br /> Disneyland<br /> USA </address> </body> </html>
ဒီတစ်ပတ်တော့
ကျွန်တော်ရေးလိုက်တာ နဲနဲများသွာလို့ ဖတ်ရတာ ပျင်းနေလောက်ရောပေါ့ … နောက်တစ်ပတ်လည်း ဒီထက်ပိုပြီး စိတ်ဝင်စားဖို့ကောင်းတဲ့ text formatting
ကုဒ်တွေကို ဆက်လေ့လာကြတာပေါ့ဗျာ …
Facebook comments:
