Open Source ကို ပွင့်လင်း​ရင်း​မြစ်၊ ဖွင့်​ထား​သော​ရင်း​မြစ်​လို့ မြန်မာဘာသာ​ပြန် ထား​တာ​ကို မှတ်သား​ဖူး​ပါ​တယ်။ ”Open Source ကို အခ​မဲ့​လို့ အဓိပ္ပါယ်​ပြန်​ရင် မဟုတ်​သေး​ဘူး။ အခ​မဲ့​လို့​ပြော​ရုံ​နဲ့ မ​လုံလောက်​ဖူး​ဖြစ်​နေ​တယ်။ ကျွန်တော်​က Software တစ်​ခု​ကို ရေး​တယ်။ သူ့​သ​ဘာ​ဝ​အရ Bug ရှိ​တယ်။ Software က ကြီး​လာ​ရင် ဒီ Bug ကို ကျွန်တော်​တစ်​ယောက်​ထဲ စုံလင်​အောင် Fit မ​လုပ်​နိုင်​ဘူး။ Open Source က အဲ​ဒီ​လို​မဟုတ်​ဘူး။ လူ​တိုင်း​က Bug တွေ​ကို လိုက်​ရှင်း​နိုင်​တယ်။ အဲ​ဒီ​အခါ​မှာ Software ရဲ့ အရည်အသွေး​က တက်​သွား​တယ်။ ဒီ​နေရာ​မှာ Open Source ဆို​တာ အလကား​ပေး​နိုင်​တဲ့ အဆင့်​ကို ကျော်သွား​တယ်။” လို့ ကို​အိ မောင်​က စာရေး​သူ​ရဲ့​တွေ့​ဆုံ​မေးမြန်း​ခန်း​တစ်​ခု​မှာ ဖြေ​ကြား​ခဲ့​ဖူး​ပါ​တယ်။ လက်​ရှိ ကာလ​မှာ Open Source ကို တွင်တွင်​ကျယ်​ကျယ် စိတ်ဝင်စား​မှု မ​ရှိ​ကြ​သေး​ပါ။Windows ကို​လည်း သူ့​ရဲ့​တန်ဖိုး​အတိုင်း ထိုက်​သင့်​တဲ့ အခ​ကြေးငွေ​ပေး​ပြီး အသုံး ပြု​နေ​ကြ​ခြင်း မဟုတ်​သေး​ပါ။ မူ​ပိုင်​ခွင့်​နဲ့​ပတ်သက်​တဲ့ အကြောင်း​ကိစ္စ​တွေ​ဟာ ယခု​ကာလ​မှာ အသက်​ဝင်​ခြင်း မ​ရှိ​သေး​ပေ​မယ့် မ​ကြာ​တော့​တဲ့ ကာလ​တစ်​ခု​မှာ အသက်​ဝင်​လာ​ပါ​တော့​မယ်။ ဒါ​ကြောင့် မူ​ပိုင်​ခွင့်​ဥပဒေ​တွေ​နဲ့​လည်း လွတ်​ကင်း၊ အသုံးပြု​ရ​လည်း အဆင်​ပြေ​နိုင်​မယ့် Open Source အသိုက်​အမြုံ​ကို တို​ထိ​မြည်း စမ်း​ကြည့်​စေ​ချင်​ပါ​တယ်။ Open Source ဆို​တဲ့ ဖွင့်​ထား​သော​ရင်း​မြစ်​များ​ထဲ​မှာ နယ်ပယ်​စုံ​အတွက် အကျိုး​များ​စေ​မယ့် ရင်း​မြစ်​ကောင်း​တွေ ရှိ​နေ​ပါ​တယ်။ စာ​ဖတ်​သူ​အနေ​နဲ့ မြည်းစမ်း​တို​ထိ ကြည့်ပါ။ ဒါ​ကြောင့် Open Source နဲ့​ပတ်သက်​ပြီး သူ​တို့​ဘာ​တွေ ပြော​ကြ​သလဲ​ဆို​တာ​ကို နားထောင်​ကြည့်​ရအောင်။

ကို⁠ကို​ရဲ

သူ​ဟာ Open Source တစ်​ခု​ဖြစ်​တဲ့ Ubuntu နဲ့​စပ်လျဉ်း​ပြီး ပြောဆို​လုပ်ကိုင်​နေ သူ​တစ်​ဦး​ဖြစ်​ပါ​တယ်။ သူ့​ရဲ့ Open Source အပေါ်​အမြင်​က -

Open Source က Close Source မ​တူ​ဘူး။ Close Source တွေ​က သာမန်​အသုံး ပြု​သူ​တွေ​အသုံးပြု​ဖို့ အဆင်သင့်​ဖြစ်​နေ​မယ်။ သူ​က အသုံးပြု​သူ​အဆင်​ပြေ​အောင် တတ်နိုင်​သ​လောက်​ထုတ်ပေး​ထား​တယ်။ အသုံးပြု​သူ​အနေ​နဲ့ အဆင်​မ​ပြေ​ခဲ့​ရင် သူ့​ထက်​အဆင်​ပြေ​တဲ့ Version ကို ဝယ်​ရ​တယ်။ ဒါ​မှ​မဟုတ်​ရင် သူ​တို့​ဆီ​ကို အ ဆင်​မ​ပြေ​တဲ့ Bug တွေ ပြန်​ပို့​ရ​တယ်။ Bug တွေ​ကို နောက်ထပ် Version တစ်​ခု​မှာ ပြင်​ကောင်း​ပြင်​ပေး​မယ်။ ဝယ်​သုံး​တဲ့ User မဟုတ်​ခဲ့​ရင် ပြင်​ပေး​ချင်​မှ​လည်း ပြင် ပေး​လိမ့်​မယ်။

ဆော့​ဝဲလ်​တစ်​ခု​ဟာ အများ​အဆင်​ပြေ​အောင်​လုပ်​ထား​တဲ့ ဆော့​ဝဲလ် တစ်​ခု​ဖြစ်​ပေ​မယ့် ကိုယ့်​အတွက် အဆင်​ပြေ​ချင်​မှ ပြေ​လိမ့်​မယ်။ Close Source တွေ​ကို အဆင်​မ​ပြေ​လို့ ပြန်​ပြင်​ချင်​တယ်​ဆို​ရင် သူ​တို့​ဆီ​ကို အကြောင်းကြား​ရ တယ်။ သူ​တို့​ဆီ​က တစ်​ယောက်⁠ယောက်​က ပြင်​ပေး​မှ​ပဲ ပြုပြင်​လို့​ရ​တယ်။ Open Source က အဲ​ဒီ​လို​မဟုတ်​ဘူး။ ကိုယ်​လေ့​လာ​ထား​တဲ့​အပေါ်​မှာ မူ​တည်​ပြီး အစ အဆုံး​ကိုယ်​နဲ့​ကိုက်​ညီ​အောင် ပြန်​ပြင်​ပြီး သုံး​လို့​ရ​တယ်။

မိုး​လှိုင်​ည

သူ​ကတော့ အွန်​လိုင်းပေါ်​မှာ စာပေ​ရေးသား​နေ​သူ​တစ်​ဦး​ဖြစ်​ပြီး Open Source ကို စိတ်ဝင်စား​သူ​တစ်​ဦး​လည်း ဖြစ်​ပါ​တယ်။ သူ​ပြော​တဲ့ Open Source က -

ကျွန်တော်​တို့​က Open Source ကို စိတ်ဝင်စား​တယ်။ အကယ်၍ ကျွန်တော်​တို့ အနေ​နဲ့ Windows ကို ဝယ်​သုံး​ရ​တော့​မယ်​ဆို​ရင် ဝယ်​ပြီး​တော့ သုံး​နိုင်​မ​နိုင်​ဆို တာ ရှိ​တယ်။ အွန်​လိုင်းပေါ်​မှာ စာပေ​ရေး​တဲ့​အခါ​မှာ Windows ထဲ​က Toolsတွေ ကို​ပဲ သုံး​နေ​ရ​တယ်။ Open Source ကို ပြောင်း​သုံး​နိုင်​ဖို့ အရေးတကြီး စဉ်းစား နေ​ရ​တယ်။ Windows ကို ဝယ်​သုံး​ရ​တော့​မယ်​ဆို​ရင် အခက်​အခဲ​ရှိ​နိုင်​တယ်။ ဒီ​လို​အခြေအနေ​မျိုး​မှာ Open Source ကို​ပဲ အသုံးပြု​ဖို့​များ​တယ်။

Open Source ပြောင်း​သုံး​ဖို့ အစ​ပိုင်း​မှာ အခက်​အခဲ​ရှိ​နိုင်​ပါ​တယ်။ Windows ကို နှစ်​ပေါင်း​များ​စွာ​အသုံးပြု​လာ​ရာ​က​နေ Open Source တစ်​ခု⁠ခု​ကို ပြောင်း​သုံး​လာ​ရ​မယ်​ဆို​ရင် အားထုတ်​ရ​မယ်။ ဒီ​အခြေအနေ​ကို ကျော်သွား​နိုင်​ရင် Windows နီးပါး​လောက်​ကို ကျွန်တော်​တို့ သုံး​လို့ ရ​မယ်။

ဝယ်​သုံး​ရ​တော့​မယ်​ဆို​တဲ့ အချိန်​ကျ​မှ Open Source တစ်​ခု⁠ခု​ကို သုံး မယ်​ဆို​ရင် အခက်​အခဲ​ရှိ​နိုင်​တယ်။ မူ​ပိုင်​ခွင့်​ကို ချိုး​ဖောက်​ပြီး Windows ကို အ သုံး​ပြု​နေ​ရ​တယ်​ဆို​တာ အများ​စု​က မ​သိ​ဘူး။ အခု​အချိန်​မှာ ကျယ်​ပြန့်​အောင် လေ့ကျင့်​ထား​ရင် ပြောင်း​သုံး​ရ​မယ့်​အချိန်​မှာ လွယ်​လွယ်ကူ​ကူ အပြောင်း​အလဲ​ကို သွား​နိုင်​မယ်။ မ​ပြောင်း​လို့ မ​ဖြစ်​တော့​တဲ့ အချိန်​မှ​ပြောင်း​မယ်​ဆို​ရင် အပြောင်း အလဲ​မှာ နာကျင်​ခံစား​ရ​လိမ့်​မယ်။ အပြောင်း​အလဲ​ကို လိုက်လျော​ညီ​ထွေ​စွာ​နဲ့ သွား​မယ်​ဆို​ရင် အပြောင်း​အလဲ​က ပြေ​လျှော့​မယ်။

မင်း​ယွန်း​သစ်

သူ့​အနေ​က​လည်း မြန်မာ​ဝီ​ကီ​ရေးသား​ခြင်း​နဲ့ Web Development လုပ်​ခြင်း​တို့ ကို​လုပ်ကိုင်​နေ​သူ​တစ်​ဦး​ဖြစ်​ပြီး သူ​က​လည်း Open Source ကို -

ကျွန်တော်​တို့ နေ့စဉ်​သုံး​နေ​တဲ့​အထဲ​မှာ Open Source တွေ ရှိ​တယ်။ Mozilar Firefox, PHP, CMS(Contect Management System)တို့​က Open Sourceတွေ ပဲ။ Open Source ရဲ့ သဘော​က စုပေါင်း​လုပ်ဆောင်​မှု​ပဲ။ စုပေါင်း​ပြီး​တော့ Development လုပ်​တဲ့​အခါ​ကျ​တော့ တစ်​ဦး​တစ်​ယောက်​တည်း လုပ်​တာ​ထက် ဆော့​ဝဲလ်​က ပို​ပြီး​တော့ ကောင်း​လာ​တယ်။ သုံး​ရ​တာ​လည်း စိတ်ချ​ရ​တယ်။ အ သုံး​ပြု​မယ့်​သူ​တွေ​ရဲ့ တကယ်​အသုံးတည့်​မယ့်​အချက်​တွေ ထပ်ထပ်​ပြီး တိုး​လာ​တဲ့ အတွက်​ကြောင့် Open Source တွေ​ကို သုံး​ရ​တာ​ပို​ပြီး အဆင်​ပြေ​တယ်။

Open Source မှာ​လည်း အားနည်း​ချက်၊ အား​သာ​ချက်​ရှိ​တယ်။ ဒါ​ပေ မယ့် အများ​က ဝိုင်း​ပြီး​တော့ Development လုပ်​တဲ့​အတွက်​ကြောင့် ပြဿနာ အများ​ကြီး​မ​ရှိ​ဘူး။ Open Source သုံး​ရ​တာ သုံးပျော်​တယ်။ Open Source မှာ Opreation System တွေ​လည်း အများ​ကြီး​ပဲ။ လိုချင်​တာ​ထက် ပို​နေ​တဲ့ Add On တွေ​လည်း အများ​ကြီး​ပဲ။

CMS တွေ​ကို စမ်းသပ်​အသုံးပြု​တဲ့​အခါ သူ့​ရဲ့ Resource တွေ​ကို Offical Website မှာ​တင်​မက​ပဲ Forum တွေ​မှာ​လည်း ရ​နိုင်​တယ်။ Developerတွေ အများ​ကြီး​က ဝိုင်း​ပြီး​လုပ်​ထား​တဲ့​အတွက်​ကြောင့် ကိုယ်​လိုချင်​လို့​ရှိ​ရင် အလွယ် တ​ကူ​နဲ့ သူ​တို့​ဆီ​မှာ ရှာဖွေ​လို့​ရ​တယ်။

ထူး​တေ​ဇာ

သူ​က​လည်း Open Source ကို အသုံးပြု​ပြီး Web Design တွေ​ကို ရေး​ဆွဲ​နေ​တဲ့ သူ​တစ်​ဦး​ပါ။ သူ​ရဲ့ Open Source အပေါ်​အမြင်​က -

Open Source ကို သိ​ထား​သင့်​တယ်။ ဒီ​မှာ ဆော့​ဝဲလ်​တွေ​ကို ဈေး​သက်သက်​သာ သာ​နဲ့ ဝယ်​လို့​ရ​နေ​တယ်။ နိုင်ငံ​ခြား​မှာ​အလုပ်​သွား​လုပ်​မယ်​ဆို​ရင် ဝယ်​လို့​မ​ရ​တော့ ဘူး။ အဲ​ဒီကျ​ရင် သူ​တို့​က Office ဆို​ရင်​လည်း Open Office ကို​ပဲ သုံး​ခိုင်း​တယ်။

တချို့ Open Source တွေ​ဆို​ရင် အခ​ကြေးငွေ​ပေး​ပြီး ဝယ်​သုံး​ရ​တာ ထက်​ပို​ကောင်း​တဲ့​ဟာ​တွေ ရှိ​တယ်။ Open Source အများ​စု​က Platform မ​ရွေး ဘူး။ Linux မှာ​လည်း သုံး​လို့​ရ​တယ်။ Windows မှာ​လည်း သုံး​လို့​ရ​တယ်။ Mac မှာ​လည်း သုံး​လို့​ရ​တယ်။ တစ်​ခု​သိ​ထား​ရင် ဘယ် Opreation System မှာ မ​ဆို သုံး​လို့ ရ​တယ်။ အားလုံး​က တစ်​ပုံစံ​တည်း ဖြစ်​နေ​တယ်။ သူ​တို့​ရဲ့ Source Code တွေ​ကို ပေး​ထား​တဲ့​အတွက်​ကြောင့် လေ့​လာ​လို့​ရ​တယ်။ ရေး​ချင်​တယ်​ဆို ရင်​လည်း ရေး​လို့​ရ​တယ်။

Open Source ကို လေ့​လာ​ထား​သင့်​တယ်။ မ​ကြာ​ခင်​အချိန်​အတွင်း မှာ မြန်မာ​နိုင်ငံ​က မူ​ပိုင်​ခွင့်​ဥပဒေ​သက်ရောက်​တော့​မယ်။ အဲ​ဒီ​အချိန်​ကျ​မှ လေ့ လာ​မယ့်​အစား အစောကြီး​ကတည်းက ကြိုတင်​ပြီး​လေ့​လာ​ထား​မယ်​ဆို​ရင် အကောင်း​ဆုံး​ပဲ။

ဟန်ဇော်
(အိုင်​တီ​ဇင် နည်း​ပညာ ဂျာနယ် ၊ ၂​၅ ၊ ၀​၁ ၊ ၂​၀​၁​၁)

One Response

1. hanzaw says:

   September 3, 2011 at 4:05 PM

   ၂၅ရက် ၁ လ ၂၀၁၁ ခုနှစ်က အိုင်တီဇင်ဂျာနယ်မှာ ရေးသားခဲ့တဲ့ အင်တာဗျူးဆောင်းပါးပါ။ mmitpro မှာလည်း တင်ခဲ့ဖူးပါတယ်။.

   Reply