my.wikipedia.org ကို အား​သွန်း​ခွန်​စိုက်​ရေးသား​နေ​တဲ့ ဝီ​ကီ​ပီး​ဒီး​ယား​ရေးသား​သူ (Wikipedian)တွေ အများ​ကြီး​ရှိ​ပါ​တယ်။ သူ​တို့​ဟာ ဝီ​ကီ​ပီး​ဒီး​ယား​မှာ အခု​လို​အား သွန်​ခွန်​စိုက်​ရေးသား​နေ​တယ်​ဆို​တာ​က​လည်း သူ​တို့​အတွက် ဝီ​ကီ​က​နေ စီးပွား​ရေး​အရ အကျိုး​အမြတ်​တစ်​စုံ​တ​ရာ ရ​ရှိ​နေ​လို့ မဟုတ်​ပါ​ဘူး။ အချိန်​တွေ​များ​စွာ ပေါများ​နေ​လို့ မဟုတ်​သ​လို ရေးသား​သူ​တစ်​ချို့​ဟာ အိုင်​စီ​တီ​အသိုင်း​အဝန်း​ထဲ​က မဟုတ်​ပဲ၊ ကိုယ့်​ရဲ့ စိတ်ဝင်စား​မှု​နဲ့​ဝါသနာ​အရ ရေး​နေ​ကြ​တယ်​ဆို​တာ​ကို တွေ့​ရ ပြန်​တယ်။ သူ​တို့​ရဲ့ အားလပ်​ချိန်​ကို ဝီ​ကီ​ရေးသား​ခြင်း​ပရဟိတ​အတွက် အသုံးပြု ကြ​တယ်​ဆို​တာ​လည်း တွေ့​ရ​တယ်။

Wikipedia ဆို​သည်မှာ Wiki နှင့် Encyclopedia နှစ်​မျိုး​ကို ပေါင်း​ပြီး ခေါ်​ဆို​တဲ့ အွန်​လိုင်း​စွယ်စုံ​ကျမ်း​တစ်​ခု ဖြစ်​ပါ​တယ်။ ဝီ​ကီ​ကို ဘာသာ​စကား​မျိုး​စုံ​နဲ့ ဖတ်​ရှု​နိုင်​ပြီး လွတ်လပ်​ပွင့်လင်း​စွာ​နဲ့ အကြောင်းအရာ​မှန်​သ​မျှ​ကို ဖွင့်​ပေး​ထား​တဲ့ အွန်​လိုင်း​စာ​မျက်နှာ​တစ်​ခု​လည်း ဖြစ်​ပါ​တယ်။ ဝီ​ကီ​ကို အစိုးရ​မဟုတ်​တဲ့ အဖွဲ့​အစည်း​တစ်​ခု​ဖြစ်​တဲ့ Wikimedia Foundation က ထူထောင်​ထား​ခြင်း​ဖြစ်​ပါ တယ်။ ၂​၀⁠၀​၁ ခု​နှစ်​မှာ ဂျင်​မီ​ဝေးလ်စ်​နဲ့​လာ​ရီ​ဆန်း​ဂါး​တို့​ဟာ Wikipedia ကို​စတင် လွင့်​တင်​ခဲ့​ပြီး ယခု​ကာလ​မှာ ဘာသာ​စကား​မျိုး​စုံ​နဲ့ ကိုး​ကား​နိုင်​တဲ့ အွန်​လိုင်း​စွယ်စုံ ကျမ်း​တစ်​ခု​အဖြစ် ရပ်​တည်​နေ​ပါ​တယ်။

လက်​ရှိ​ကာလ​မှာ မြန်မာဘာသာ​စကား​နဲ့ ဖတ်​ရှု​နိုင်​တဲ့ ဝီ​ကီ​ပီး​ဒီး​ယား နှစ်​ခု​ရှိ​နေ​ပါ​တယ်။ တစ်​ခု​က my.wikipedia ဖြစ်​ပြီး ကျန်​တစ်​ခု​က myanmarwikipedia.co.cc ဖြစ်​ပါ​တယ်။ my.wikipedia ဟာ Wikimedia Foundation ရဲ့ အစီ​အစဉ်​တစ်​ခု​ဖြစ်​ပြီး ISO က လက်ခံ​တဲ့ မြန်မာ​ယူ​နီ​ကုတ်​ဖောင့်​ကို အသုံးပြု​ထား​ပါ​တယ်။ myanmarwikipedia.co.cc ကို​တော့ မြန်မာ​အိုင်​စီ​လူ​ငယ် တစ်​ချို့​က ၂​၀⁠၀​၈ ခု​နှစ် ဇူလိုင်​မှာ ဇော်ဂျီ​ဖောင့်​ကို အသုံးပြု​ပြီး လွှင့်​တင်​ခဲ့​ပါ​တယ်။

မြန်မာ​ဝီ​ကီ​ပီး​ဒီး​ယား​တိုးတက်​ရေး စိတ်ဝင်စား​သူ​များ​ဟာ ၂​၀​၁​၀ ပြည့်​နှစ် အောက်တိုဘာ​က တွေ့​ဆုံ​ခဲ့​ကြ​ပြီး ၂​၀​၁​၁ ခု​နှစ် ဇူလိုင်​မှာ မြန်မာ​ဝီ​ကီ​မှာ အကြောင်းအရာ​ပေါင်း တစ်​သောင်း​ခွဲ ရှိ​လာ​ဖို့ ရည်​မှန်း​ချက်​ထားခဲ့​ကြ​ပါ​တယ်။

မြန်မာဘာသာ​စကား​နဲ့ ဖတ်​ရှု​နိုင်​တဲ့ my.wikipedia မှာ ပါဝင်​ရေးသား​နေ​ကြ​တဲ့ ရေးသား​သူ​များ​ထဲ​က ကို​မြတ်​သွင်(Mayor MT)နဲ့ တွေ့​ဆုံ​ဖြစ်​ခဲ့​ပါ​တယ်။ ယခု​နှစ် နှစ်​ဆန်း​ပိုင်း​က​လည်း သူ့​ကို ဝီ​ကီ​ရေးသား​သူ​များ​ထဲ​က စံ​ပြ​လောက်​တဲ့ ပုဂ္ဂိုလ်​တစ်​ဦး​အဖြစ် အသိ​အမှတ်ပြု​ခဲ့​ကြ​ပါ​တယ်။ ဒါ​ကြောင့် ကို​မြတ်​သွင်​ကို မြန်မာ​ဝီ​ကီ​ပီး​ဒီး​ယား​ရေးသား​ခြင်း​နဲ့ ပတ်သက်​တဲ့ အတွေ့​အကြုံ​များ​ကို မေး​မြန်​ဖြစ် ခဲ့​ပါ​တယ်။ ကို​မြတ်​သွင်​က ပြန်လည်​ဖြေ​ကြား​ပေး​ခဲ့​တဲ့ ဖြေ​ဆို​ချက်​များ​ကို ဖတ်​ရှု​လေ့​လာ​ကြည့်​ကြ​ရအောင်။

ဝီ​ကီ​ကို ကြိုးစား​ရေး​ဖြစ်​တယ်

ဝီ​ကီ​မှာ လွတ်လပ်​တာ​ကို သဘောကျ​တယ်။ ရေး​တဲ့​သူ​က​ရေး​တယ်၊ ပြင်​တဲ့​သူ​က ဝင်​ပြင်​သွား​တယ်။ အဲ​ဒါ​ကို ကျေးဇူးတင်​တယ်။ ရေး​ရင်​နဲ့ ဝါသနာ​တူ​တွေ ပေါင်း​စည်း​မိ​လာ​ကို​လည်း တွေ့​ရ​တယ်။ တစ်​ခြား​သူ​ရေး​တဲ့ အကြောင်းအရာ တစ်​ခု​ကို ကိုယ်​က မ​သိ​တော့ ဖတ်​ကြည့်​မိ​တယ်။ ကိုယ့်​အတွက် ဗ​ဟု​သုတ​ရ​တယ်။ ကိုယ်​ရေး​တဲ့ အကြောင်းအရာ​ကို တစ်​ခြား​သူ​က ဖတ်​ကြည့်​လိုက်​ရင် သူ​လည်း ဗ​ဟု​သုတ ရ​သွား​တယ်။ ဒီ​လို​နဲ့ ဝီ​ကီ​ရေးသား​ရ​တာ​ကို ပို​ပြီး ဝါသနာ​ပါလာ​တယ်။

Book For All ဆို​တဲ့ စကား​ကို ဆောင်းပါး​တစ်​ခု​ထဲ​မှာ ကျွန်တော် ဖတ်​ခဲ့​ဖူး​တယ်။ ကျွန်တော်​တို့ ဝက်ဘ်​ဆိုဒ်(Wiki)ကို ပြန်​ကြည့်​လိုက်​တော့ Wiki For All ကို စဉ်းစား​မိ​တယ်။ ဝီ​ကီ​ဟာ အများ​အတွက် အကျိုး​ရှိ​တယ်။ Wiki ကို လူ​တိုင်း​ဝင်​ဖတ်​လို့ အကျိုးယုတ်​မ​သွား​ဘူး။ ဗ​ဟု​သုတ များ​လာ​မယ်။ ဝီ​ကီ​ရေး​ရင်း နဲ့ လူ​တွေ​အတွက် အထောက်​အကူ​ပြု​နိုင်​တယ်​ဆို​တာ​ကို သိ​လာ​တယ်။ ဒါ​ကြောင့် ဝီ​ကီ​ကို ကြိုးစားပမ်းစား​ရေး​ဖြစ်​ခဲ့​တယ်။

ဝီ​ကီ​ရေး​လို့ ရ​ရှိ​လာ​တဲ့ အကျိုး​ကျေးဇူး

အင်္ဂလိပ်​ဝီ​ကီ​မှာ အကြောင်းအရာ​သုံး​သန်းကျော် ရှိ​နေ​တယ်။ ကျွန်တော်​တို့ ဝီ​ကီ​က အခု​မှ လေး​ထောင်ကျော်​ပဲ ရှိ​သေး​တယ်။ အများ​ကြီး ကြိုးစား​လုပ်​ရ​မယ့် အပိုင်း​တွေ ရှိ​တယ်။ ကိုယ့်​နိုင်ငံ​ရဲ့​အကြောင်း​ကို ကိုယ်​ပဲ​သိ​တယ်။ ကျွန်တော်​တို့ နိုင်ငံ​အကြောင်း​ကို အင်္ဂလိပ်​တွေ၊ အမေ​ရိ​ကန်​တွေ၊ ဂျပန်​တွေ မ​သိ​ဘူး။ ကျွန်တော်​တို့​နိုင်ငံ​အကြောင်း​ကို ကျွန်တော်​တို့​ပဲ ထဲ⁠ထဲ​ဝင်⁠ဝင်​သိ​တယ်။ မြန်မာ တွေ​က ကိုယ်​တတ်နိုင်​သ​လောက် ကိုယ့်​နိုင်ငံ​အကြောင်း​ကို ရေး​ပေး​သင့်​တယ်။ မြန်မာ​မှာ တိမ်မြုပ်​သွား​နိုင်​မယ့် အကြောင်းအရာ​တွေ ရှိ​နေ​တယ်။ မြန်​မာ့​ကစား နည်း​ဖြစ်​တဲ့ မြန်​မာ့​စစ်တုရင်​ဆို​ရင် တိမ်မြုပ်​သွား​ပြီ။ ဒီ​ပစ္စည်း​တွေ​ကို ဝယ်​ဖို့ မ လွယ်​တော့​ဘူး။ ဒီ​လို​နိမ်​မြုပ်​သွား​တဲ့ ကစား​နည်း​တွေ ရှိ​နေ​တယ်။ ဟို့​ခေတ်​က မြန်မာ​ကစား​နည်း​တွေ​က​လည်း တိမ်မြုပ်​သွား​ပြီ။ ဒါ​တွေ​ကို ကျွန်တော်​တို့​က ဖော် ထုတ်​ပြီး တင်​ထား​ပေး​မယ်​ဆို​ရင် ကျွန်တော်​တို့ လူ​မျိုး​တင်​မက​ပဲ နိုင်ငံ​တကာ​မှာ ရောက်​နေ​တဲ့ မြန်မာ​တွေ၊ နိုင်ငံ​တကာ​မှာ​ရှိ​နေ​တဲ့ မြန်မာ​ကို စိတ်ဝင်စား​တဲ့​သူ​တွေ လေ့​လာ​လို့​ရ​မယ်။

ဝီ​ကီ​နှစ်​ခု ဘာ​ကြောင့်​ရှိ

ယူ​နီ​ကုတ်​နဲ့​ရေး​တဲ့ my.wikipedia.org နဲ့ ဇော်ဂျီ​နဲ့​ရေး​တဲ့ myanmarwikipedia.co.cc နှစ်​ခု​စလုံး​ကို ထား​ရ​တဲ့​အကြောင်း​အရင်း​က ဇော်ဂျီ​နဲ့​ရေး​ချင်​တဲ့​သူ​အတွက်​လည်း အဆင်​ပြေ အောင် အပေါက်​တစ်​ပေါက် ဖွင့်​ပေး​ထား​တဲ့ သဘော​ပါ။ လာ​သ​မျှ Data တွေ​ကို လည်း တတ်နိုင်​သ​မျှ (နှစ်​ဖက်​လုံး​မှာ ရှိ​နေ​အောင်) ပြောင်း​ထည့်​ပေး​တယ်။ ယူ​နီ ကုတ်​ဖက်​က​လာ​တဲ့​ဟာ​ကို ဇော်ဂျီ​ဖက်​ကို ပြောင်း​ထည့်​ပေး​တယ်။ ဇော်ဂျီ​ဖက်​က လာ​တဲ့ အကြောင်းအရာ​ကို ယူ​နီ​ကုတ်​ဖက်​ကို ပြောင်း​ထည့်​ပေး​တယ်။ ဘယ်​ဖက် က​လာ​လာ ဖတ်​တဲ့​သူ​တွေ​အတွက် အဆင်​ပြေ​အောင်​လုပ်​ပေး​ထား​တယ်။

ဇော်​ဂျီ​မှာ ရေး​နေ​ကြ​တဲ့ ရေး​အား​နဲ့ ယူ​နီ​ကုတ်​မှာ ရေး​နေ​တဲ့ ရေး​အား က တူ⁠တူ​ပဲ။ ဇော်ဂျီ​ဖက်​မှာ ရေး​တဲ့​သူ​တွေ​ဟာ ဇော်ဂျီ​ကို ပို​ပြီး​အသုံး​များ​တဲ့​အ တွက်​ကြောင့် ဝင်​ပြီး​တော့ ရေး​ကြ​မယ်​လို့ ယူဆ​တယ်။ တကယ်​တမ်း​ကျ​တော့ မဟုတ်​ဘူး​ဗျ။ ဇော်ဂျီ​ဘက်​က​လည်း ဒီ​လောက်​ပတ်ဝန်းကျင်​ပဲ ရှိ​တယ်။ ယူ​နီ​ကုတ် ဘက်​မှာ​လည်း ဒီ​လောက်​ပတ်ဝန်းကျင်​ပဲ ရှိ​တယ်။ တူ⁠တူ​ပဲ။ တက်မ​လာ​ဘူး။ သူ့​နှုန်း​အတိုင်း​ပဲ သွား​တယ်။

အကြောင်းအရာ တိုးတက်​နှုန်း

ဝီ​ကီ​ကို စ​ပြီး​သတိထား​မိ​တာ​က ၂​၀⁠၀​၆ ခု​နှစ်​က။ တစ်​နှစ်​ကြာ​တဲ့​အချိန်​မှာ အ ကြောင်း​အရာ​ပေါင်း ရှစ်​ရာ​လောက် ရ​ခဲ့​တယ်။ ဝီ​ကီ​ကို လူ​သိ​လာ​တဲ့​အခါ​မှာ အကြောင်းအရာ နှစ်​ထောင်​လောက် ဖြစ်လာ​တယ်။ တစ်​နှစ်​ကို မျှမ်း​မျှ​အနေ​နဲ့ အကြောင်းအရာ တစ်​ထောင်​လောက် တက်​တယ်။ ဒါ​က အခု​သုံး​လေး​နှစ်​မှာ ကျွန်တော်​ချိန်​ကြည့်​လိုက်​တာ။ တစ်​နှစ်​လုံး​မှာ​မှ အကြောင်းအရာ တစ်​ထောင် တက်​တယ်​ဆို​ရင် တစ်​သောင်း​ရ​ဖို့ နောက်ထပ် ၁​၀ နှစ်​စောင့်​ရ​မယ်။ ဒီ​အတိုင်း​က မဟုတ်​သေး​ဘူး။ အားရ​စရာ​လည်း မ​ကောင်း​ဘူး။ ဝီ​ကီ​နဲ့​ပတ်သက်​တဲ့ အစည်း အဝေး​တွေ လုပ်​တယ်။ သေသေချာချာ​တိုင်ပင်​ပြီး လုပ်​လိုက်​နိုင်​တဲ့​အတွက် ကျွန် တော်​တို့ ရည်​မှန်း​ချက်​တစ်​ခု​ထား​နိုင်​ခဲ့​တယ်။

တစ်​ခြား ဝီ​ကီ​တွေ​နဲ့ ချိတ်ဆက်​မိ​တဲ့​အခါ

my.wikipedia က အင်္ဂလိပ်​ဝီ​ကီ​နဲ့​ချိတ်ဆက်​ထား​တဲ့​အတွက် တစ်​ခြား​မှာ​ရှိ​နေ​တဲ့ ဝီ​ကီ​တွေ​နဲ့ ကူး​လူး​ဆက်ဆံ​ဖို့ အဆင်​ပြေ​တယ်။ သူ​တို့​ရဲ့ အကြောင်းအရာ​နဲ့ ကျွန် တော်​တို့​ရဲ့ အကြောင်းအရာ​တွေ တူညီ​နေ​ရင် ချိတ်ဆက်(Link)ပေး​လို့ ရ​တယ်။ ဥပမာ-ကျွန်တော်​က မြန်​မာ့​နဂါး​အကြောင်း​ကို သိ​လို​ရေး​လိုက်​တယ်။ Dragon ဆို​တာ​လည်း နဂါး​ပဲ။ အင်္ဂလိပ်​ဝီ​ကီ​မှာ​ရှိ​တဲ့ Dragon နဲ့ ချိတ်​ပေးလိုက်​နိုင်​မယ်။ တရုတ်​ဝီ​ကီ​ကို ကြည့်​လိုက်​လို့​ရှိ​ရင်​လည်း တရုတ်​နဂါး​အကြောင်း​ကို သိ​လာ​မယ်။ နဂါး​ဆို​တဲ့ အကြောင်းအရာ​တစ်​ခု​ကို​ပဲ ဘာသာ​စကား​ပေါင်း​စုံ​က အမြင်​တွေ​နဲ့ ကျွန်တော်​တို့ ကြည့်​လို့​ရ​မယ်။ my.wikipedia က ကွန်​ယက်​လို ဖြစ်​နေ​တော့ ပို​ပြီး အားစိုက်​ဖြစ်​တယ်။ myanmarwikipedia မှာ​ကတော့ Wikimedia Foundation က အသိ​အမှတ်ပြု​ထား​တာ မဟုတ်​တဲ့​အတွက်​ကြောင့် ချိတ်ဆက်(Link)ပေး​လို့ မ​ရ​ဘူး။ သူ​က နည်း⁠နည်း​ဘောင်​ကျဉ်း​တယ်။
နိုင်ငံ​တကာ​က​ဝီ​ကီ​နဲ့ ချိတ်ဆက်​ထား​တဲ့​အတွက်​ကြောင့် တစ်​ချို့​ဓာတ် ပုံ​တွေ​ကို သီးခြား​တင်​နေ​စရာ မ​လို​တော့​ဘူး။ သူ​တို့​ဆီ​က ဓာတ်​ပုံ​ဖိုင်​နာမည်​ကို ဒီ​ဖက်​မှာ​ထည့်​လိုက်​ရင် တစ်ခါတည်း ပုံပေါ်​လာ​တယ်။ my.wikipedia မှာ ရေး​ရ တာ ပို​ပြီး​တော့​အဆင်​ချော​တာ​ကို တွေ့​ရ​တယ်။

လူ​တွေ သိ​လေ ပို​ရေး​လေ

နည်း​ပညာ​ကို နား​မ​လည်​လို့ မ​ရေး​ချင်​ဘူး​ဆို​ပြီး ဝင်​မ​ရေး​ကြ​တဲ့​သူ​တွေ အများ ကြီး​ပဲ။ နည်း​ပညာ​နဲ့​ပတ်သက်​တဲ့​အကြောင်းအရာ​တွေ​ကို ဘား​ကမ့်​ပွဲ​မှာ လိုက်​ပြီး ရှင်း​ပြ​ဖို့ စိတ်ကူး​ထား​တယ်။ ဒီ​လို​လုပ်​မှ​ပဲ ဝီ​ကီ​မှာ​ရေး​တဲ့​သူ ပို​များ​လာ​မယ်။ ကျွန် တော်​တို့​ရည်​မှန်း​ထား​တဲ့ အကြောင်းအရာ​ပေါင်း တစ်​သောင်း​ခွဲ​လည်း ရ​လာ​မယ်။ ရေးသား​သူ​များပြား​မှ​ပဲ မြန်မာ​ဝီ​ကီ​မှာ အကြောင်းအရာ​တွေ များပြား​လာ​လိမ့် မယ်။ ရေး​တဲ့​သူ သုံး​လေး​ငါး​ယောက်​လောက်​ပဲ ရှိ​နေ​မယ်​ဆို​ရင် အဲ​ဒီ​ရည်​မှန်း​ချက် ကို​ရောက်​ဖို့ သိပ်​မလွယ်​ဘူး။ တစ်​နေ့​ကို အကြောင်းအရာ သုံး​ဆယ့်​ငါး၊ လေး ဆယ်​လောက်တက်​မှ​ပဲ ရည်​မှန်း​ချက်​ကို ရောက်​နိုင်​မယ်။

ဝီ​ကီ​မှာ စံ​နှုန်း​မီ​တဲ့ ယူ​နီ​ကုတ်​ကို သုံး​တဲ့​အခါ

မြန်မာ​ဝီ​ကီ​မှာ မြန်မာ​ယူ​နီ​ကုတ်​ကို အသုံးပြု​တဲ့​အတွက် Sorting စီ​တဲ့ အပိုင်း​မှာ အဆင်​ပြေ​တယ်။ Searching မှာ ရှာ​တဲ့​အခါ​လည်း စာလုံးပေါင်း​လေး နည်း​နည်း မှား​သွား​တာ​တို့ ဒါ​မှ​မဟုတ် Space Bar ပုတ်​ထား​လို့ စာ​ကြောင်း​လေး​တွေ ကျဲ နေ​တာ​မျိုး​တွေ​မှာ အနည်း​စပ်​ဆုံး ပြန်​ပြ​ပေး​နိုင်​တယ်။ အကြောင်းအရာ​တစ်​ခု​ဟာ ထပ်​နေ​ဆို​တာ သိပ်​မ​ရှိ​ဘူး။ ရှာဖွေ​တဲ့​အခါ​မှာ​လည်း ပို​ပြီး​တော့ လွယ်ကူ​တယ်။ Sorting စီ​ဖို့​အတွက်​လည်း က ခ ဂ ဃ င ကို ညွှန်း​ပြ​နေ​စရာ​မ​လို​ဘူး။

ဇော်​ဂျီ​နဲ့ ရေး​တဲ့​အခါ​ကျ​တော့ ရှာဖွေ​တဲ့​နေရာ​မှာ ကွန်ပျူတာ​ရဲ့ စံ​နှုန်း မ​ကိုက်​ညီ​တဲ့ ဖောင့်​ဖြစ်​နေ​တဲ့​အတွက်​ကြောင့် သူ​က မ​ပြ​ပေး​နိုင်​ဘူး။ အနည်း​စပ် ဆုံး​လည်း မ​ပြ​ပေး​နိုင်​ဘူး။ ဥပမာ-ဝင်း​ဦး​ဆို​တဲ့ စကားလုံး​ကို ရိုက်​တဲ့​အခါ ဝင်း​ဦ​ရဲ့ ၀​လုံး​ကို ၀​လုံး​အစား သုည​နဲ့ ရိုက်​ထား​မိ​မယ်။ နောက်​တစ်​ခါ ၀​လုံး​နဲ့ ရိုက်​လိုက် တဲ့​အချိန်​မှာ ပထမ​တစ်​ခါ​က သုည​နဲ့​ရိုက်​ထား​မိ​တဲ့​ဝင်း​ဦး​ကို မ​ပြ​တော့​ဘူး။ သူ​က မ​ပြ​တော့​တဲ့ အခါ​ကျ​တော့ ဝင်း​ဦး​ဆို​တဲ့ အတ္ထုပ္ပ​တိ​မ​ရှိ​သေး​ဘူး​ဆို​ပြီး ထပ်​ဖြည့် ပေးလိုက်​တယ်။ အဲ​ဒီ​မှာ အကြောင်းအရာ​တစ်​ခု​က နှစ်​ခု​ဖြစ်​သွား​တယ်။ Sorting စီ​ပြန်​တော့​လည်း သုည​ကြီး​နဲ့ မှား​ရိုက်​ထား​တဲ့​အကြောင်းအရာ​က သပ်သပ် ထပ်​ပြီး ပေါ်လာ​တယ်။ ဒီ​လို​မျိုး အားနည်း​ချက်​တွေ​ကို သိ​လာ​သ​လို။ my.wikipedia မှာ ရေး​နေ​တဲ့ ယူ​နီ​ကုတ်​ရဲ့ အကျိုး​ကျေးဇူး​တွေ​ကို​လည်း ပို​ပြီး​တော့ သိ​လာ တယ်။

မျိုး​ဆက်​သစ်​ကို လက်ဆင့်ကမ်း​မယ်

ဗ​ဟု​သုတ​ရ​တဲ့ စာပေ​တွေ​ကို အွန်​လိုင်းပေါ်​မှာ တင်​ထား​ပေး​မှ မျိုး​ဆက်​သစ်​တွေ ပို​ပြီး လက်လှမ်း​မီ​လာ​မယ်။ ကွင်း​ဆက် ချိတ်ဆက်​မိ​မယ်။ လေ့​လာ​လို့ ရ​မယ်။ ကျွန်တော်​တို့ အခု​လို လေ့​လာ​နိုင်​တယ်။ ဖတ်​ရှု​နိုင်​တယ် ဆို​တာ​က​လည်း ကျွန် တော်​တို့​ထက်​စော​တဲ့​မျိုး​ဆက်​က စာပေ​ကို​သေချာ​ပြုစု​ခဲ့​လို့ အခု​လို လေ့​လာ​လို့​ရ နေ​တာ​ဖြစ်​တယ်။။ နောက်​လာ​မယ့် မျိုး​ဆက်​အတွက် ပြုစု​ထား​ပေး​ဖို့ ကျွန်တော် တို့​က​မှ မ​လုပ်​ခဲ့​ရင် ဘယ်​သူ​လုပ်​မှာ​လဲ။ ကျွန်တော်​တို့​က လုပ်​ပေး​ရ​မယ်။ နောင် တက်​လာ​မယ့် လူ​ငယ်​တွေ​က ဒါ​တွေ​ကို​ဖတ်​ပြီး လက်ဆင့်ကမ်း သယ်​ဆောင် သွား​ရ​မယ်။ ဝီ​ကီ​ကို တတ်နိုင်​သ​လောက် ရေး​ပေး​သွား​ရ​မယ်။ ကျွန်တော်​တို့​ရဲ့ သမိုင်း​ပေး​တာဝန်​လို့​လည်း ယူဆ​ပါ​တယ်။

ဝီ​ကီ​ရေး​ပြီး ပရဟိတ​လုပ်​တယ်

ဝီ​ကီ​မှာ​အကြောင်းအရာ​တွေ အများ​ကြီး​ရအောင်​ဆို​ပြီး ကြိုးစား​ပမ်း စား​နဲ့​ရေး​ခဲ့​တယ်။ အခု​လို ဂုဏ်​ပြု​တဲ့​အတွက် ကျေးဇူးတင်​တယ်။ ပီ​တိ​ဖြစ်​တယ်။ ဂုဏ်​လည်း ယူ​တယ်။ ဝီ​ကီ​ကို အများ​အတွက် ပရဟိတ​လုပ်​ငန်း​တစ်​ခု​လို သဘော ထား​ပြီး ရေး​ပါ​တယ်။ ကျွန်တော့​ကို ဂုဏ်​ပြု​တဲ့​အတွက် ကျွန်တော်​လုပ်​ရ​ကျိုး လည်း နပ်​ပါ​တယ်။

ဟန်ဇော်
အိုင်​တီ​ဇင် နည်း​ပညာ​ဂျာနယ်
(အမှတ် ၂ ၊ ၁​၈ ရက်။ ၁ လ ၊ ၂​၀​၁​၁ ခု​နှစ်)

4 Responses

1. Han Zaw says:

   September 3, 2011 at 4:34 PM

   အိုင်တီဇင်ဂျာနယ်မှာ ရေးသားခဲ့တဲ့ အင်တာဗျူးဆောင်းပါးပါ။ mmitpro မှာလည်း တင်ခဲ့ဖူးပါတယ်။.

   Reply
2. K says:

   September 5, 2011 at 1:08 PM

   ကိုဟန်ဇော်

   ကျေးဇူးပြုပြီး Features Image လေးတင်ပေးပါ။ လောလောဆည်တော့ http://my.wikipedia.org/wiki/Wikipedia:နိဒါန်း မှာပုံနှစ်ပုံရှိတာ မြန်မာနိုင်ငံအလံကအဆင်မပြောတာမို့ နောက်တစ်ပုံကိုပဲယူသုံးထားလိုက်ပါတယ်။ နည်းနည်းတော့ကြည့်ရဆိုးနေပါတယ်။ အစ်ကိုပဲ သင့်တော်မယ့်ပုံတစ်ပုံလောက်ရှာပြီးတင်ပေးပါခင်ဗျာ။

   Reply
3. Thiha says:

   September 6, 2011 at 4:11 AM

   ကျွန်တော် ပြောင်းလိုက်ပြီဗျို့

   Reply
4. min says:

   September 12, 2011 at 12:54 AM

   အိုင်တီသမားတွေအနေနဲ့ ဆွေးနွေးသင့်တာက ဖောင့်တခုထဲကို တသက်မတ်ထဲ သုံးရမယ့်ကိစ္စပဲ။
   နဂိုထဲက အင်တာနက်ပေါ်မှာ မြန်မာလို ရေးထားတဲ့ အကြောင်းအရာ နည်းနေရတဲ့ကြားထဲ ဖောင့်တွေက ကွဲလွဲနေလို့ ဖတ်မရတာတွေလည်း ရှိလာပြန်တယ်။ ဂူဂယ်မှာ ရှာပြန်ရင်းလည်း ကိုယ်ရိုက်လိုက်တဲ့ ဖောင့်အပေါ်မူတည်းပြီး ရလာဒ်တွေက ကွဲတယ်ဗျာ။
   အရင်ကတည်းက မြန်မာဝီကီ ဖစ်လာရင် ဝိုင်းရေးပေးမယ့်ဆိုတဲ့ ဆန္ဒရှိပေမယ့် အဲဒီ ဖောင့်အကွဲ အလည်းတွေကြောင့် စိတ်ဓါတ်ကျသွားတယ်။

   Reply