Myanmar Tutorials

Page Transition with HTML + CSS3

Thu, 02 Feb 2012 08:48:23 +0000

ကျွန်တော်တို့တွေ HTML Static Page တွေ ပြုလုပ်ပြီဆိုရင် မရှိမဖြစ် လိုအပ်တာက JavaScript ပါ။ Slider တွေ အတွက် jQuery တွေ မရှိမဖြစ် အသုံးပြုကြရပေမယ့် jQuery မရှိပဲနဲ့ကော လုံးဝ Stunnable Website တစ်ခုရေးလို့ မရနိုင်ဘူးလား?
ဒီတစ်ခေါက်မှာတော့ ကျွန်တော် လုပ်ဖူးတဲ့ Tutorial တစ်ခုကို ပြန်လည် Share လုပ်တဲ့အနေနဲ့ အားလုံး အတူတူလုပ်ကြည့်ရအောင်။ စိတ်ဝင်စားဖို့ကောင်းပါတယ်။ JavaScript ကို လုံးဝ မသုံးပဲ HTML + CSS နှစ်ခုထဲနဲ့ လုပ်ကြည့်ရအောင်!!

ပထမဆုံး အနေနဲ့ Basic HTML frame တစ်ခုကို ရေးပါ။ … ပေါ့ [ ကြားထဲက head, body tag တွေ ရေးဖို့မမေ့ပါနဲ့ ] ။ ပြီးလို့ရှိရင် body tag ထဲမှာ header နဲ့ content section လေးခုပါဝင်ပါမယ်။ လောလောဆည် Header
ပိုင်းကို မေ့ထားပြီး content တွေကိုအရင်ရေးရအောင်!



    Home
    S
 




    
        Portfolio
        Some content
    
 
 




    
        About
        Some content
     
 
 




    
        Contact
        Some content

ပြီးရင်တော့ Header ပိုင်းမှာ အဓိက heading နဲ့ navigation တွေပါဝင်ပါမယ်!



    Page Transitions with CSS3
    
        Home
        Portfolio
        About Me
        Contact

Header ကို Home ရဲ့နောက်မှာ ဘာကြောင့်ထည့်သလဲဆိုတော့ ကျွန်တော်တို့ နောက်မှာလုပ်မယ့် navigation နဲ့ပတ်သတ်ပြီး သက်ဆိုင်တဲ့အရောင်နဲ့ ဖော်ပြနိုင်ဖို့အတွက် general sibling selector ဖြစ်တဲ့ ( ~ ) ကိုအသုံးပြုနိုင်အောင်ပါ။
အဓိက လုပ်ချင်တာက pseudo-class ဖြစ်တဲ့ :target ကို အသုံးပြုပြီး transition တွေနဲ့ ကိုယ် Click လိုက်တဲ့ Section ကိုပြချင်တာပါပဲ။ အခုလုပ်နေတဲ့ Tutorial မှာတော့ အပေါ်နဲ့အောက်နဲ့ Section တွေကို transition ပြုလုပ်မှာပါ။

HTML ပိုင်း ပြီးသွားပြီဆိုတော့ ရေးထားတဲ့ header နဲက navigation အတွက် css ကို ဆက်ရေးလိုက်ကြရအောင်။ CSS ကိုရေးပြီး ဘာကိုပြောင်းလဲသွားလဲဆိုတာ သိချင်ရင်တော့ id, class တစ်ခုအတွက် css တစ်ခုရေးပြီးရင် တစ်ခါ Save, Reload
လုပ်ကြည့်ပေါ့။

#header{
    position: absolute;
    z-index: 2000;
    width: 235px;
    top: 50px;
}
#header h1{
    font-size: 30px;
    font-weight: 400;
    text-transform: uppercase;
    color: rgba(255,255,255,0.9);
    text-shadow: 0px 1px 1px rgba(0,0,0,0.3);
    padding: 20px;
    background: #000;
}
#navigation {
    margin-top: 20px;
    width: 235px;
    display:block;
    list-style:none;
    z-index:3;
}
#navigation a{
    color: #444;
    display: block;
    background: #fff;
    background: rgba(255,255,255,0.9);
    line-height: 50px;
    padding: 0px 20px;
    text-transform: uppercase;
    margin-bottom: 6px;
    box-shadow: 1px 1px 2px rgba(0,0,0,0.2);
    font-size: 14px;
}
#navigation a:hover {
    background: #ddd;
}

ကျွန်တော်တို့ ရေးထားတာ #home ကလွဲပြီး ကျန်တဲ့ section တွေအားလုံးမှာ panel ဆိုတဲ့ class တွေရှိပါတယ်။ အခုဆက်ရေးရမှာက class ကို ‘target’ လုပ်လိုက်တဲ့အခါမှာ transition နဲ့ Page တစ်ခု ပြောင်းသွားသလိုမျိုးလေး ဖြစ်အောင်ပေါ့။

.panel{
    min-width: 100%;
    height: 98%;
    overflow-y: auto;
    overflow-x: hidden;
    margin-top: -150%;
    position: absolute;
    background: #000;
    box-shadow: 0px 4px 7px rgba(0,0,0,0.6);
    z-index: 2;
    -webkit-transition: all .8s ease-in-out;
    -moz-transition: all .8s ease-in-out;
    -o-transition: all .8s ease-in-out;
    transition: all .8s ease-in-out;
}
.panel:target{
    margin-top: 0%;
    background-color: #ffcb00;
}

အခု content class တွေအတွက် style ကိုဆက်ရေးပါမယ်။

.content{
    right: 40px;
    left: 280px;
    top: 0px;
    position: absolute;
    padding-bottom: 30px;
}
.content h2{
    font-size: 110px;
    padding: 10px 0px 20px 0px;
    margin-top: 52px;
    color: #fff;
    color: rgba(255,255,255,0.9);
    text-shadow: 0px 1px 1px rgba(0,0,0,0.3);
}
.content p{
    font-size: 18px;
    padding: 10px;
    line-height: 24px;
    color: #fff;
    display: inline-block;
    background: black;
    padding: 10px;
    margin: 3px 0px;
}

ကျွန်တော်တို့ navigation မှာ အခု active ဖြစ်နေတဲ့ item ရဲ့ အရောင်ကို ပြောင်းပေးဖို့အတွက် အပေါ်မှာကျွန်တော်ပြောခဲ့တဲ့ sibling selector ( ~ ) ကိုအသုံးပြုပြီး :target ကို ပြောင်းရအောင်။

#home:target ~ #header #navigation #link-home,
#portfolio:target ~ #header #navigation #link-portfolio,
#about:target ~ #header #navigation #link-about,
#contact:target ~ #header #navigation #link-contact{
    background: #000;
    color: #fff;
}

ကျွန်တော်ကိုယ်တိုင်လည်း အဲ့ဒီ sibling selector ကို အဲ့ဒီ Tutorial ကိုကြည့်ပြီးမှ ပထမဆုံး သိလာခဲ့ပါတယ်။ သူဆိုလိုချင်တာက #header ရဲ့ #navigation ရဲ့ #link-home အောက်မှာရှိတဲ့ #home ကို :target လုပ်ရင် အဲ့ဒီ Area ကို CSS

နဲ့ပြင်ပေးလိုက်ပါတယ်။

ကျွန်တော်ကတော့ အဲ့ဒါကို နည်းနည်း ပြုပြင်ပြီး ရေးထားပါတယ်။ Demo မှာ မရေးခင် ကြည့်နိုင်ပါတယ်! HTML Static Page တွေကို စိတ်ဝင်စားရေးသားလိုသူတွေအတွက် အကူအညီဖြစ်မယ်လို့ထင်ပါတယ်။

Download the Source File or View Demo

Credit: Sergio Camalich

© K for Myanmar Tutorials, 2012. | Permalink | 3 comments | Add to del.icio.us | Add to Facebook
Post tags: CSS3, HTML, Transition

Feed enhanced by Better Feed from Ozh

DEFINED tab

Thiha — Thu, 02 Feb 2012 08:05:49 +0000

ကျွန်တော် (၁-၂-၂၀၁၂)နေ့က ကိုထူးမြင့်နောင် (technomation) က သူ့ Product အသစ်တစ်ခု မိတ်ဆက်ပွဲကို ဖိတ်ကြားတာနဲ့ ရောက်ဖြစ်ပါတယ်။ နောက်ကျနေပြီ ထင်ပြီး MICT Park က Conference Hall ထဲကို ရောက်တော့ လူနည်းနည်းပဲ ရောက်ပါသေးတယ်။

ကျွန်တော် ကိုထူးမြင့်နောင် Product မိတ်ဆက်ပွဲကို တက်ဖြစ်တာ ဒါပါနဲ့ဆို နှစ်ခါရှိပါပြီ။ အရင်တစ်ခါတုန်းကတော့ Polar Star GPS မိတ်ဆက်ပွဲပါ။ အဲဒီတုန်းကတော့ ကျွန်တော် ကိုယ်တိုင် သုံးဖြစ်မှာ မဟုတ်တဲ့ GPS Device ကို သိပ်ပြီး စိတ်မဝင်စားခဲ့ပါဘူး။ ဒါပေမယ့် ကိုထူးမြင့်နောင် ကားမှ တပ်ထားတဲ့ Polar Star ကို ကားတစ်ပတ်စီးပြီး လေ့လာဖြစ်ခဲ့ပါတယ်။ အဲဒီတုန်းက အမှတ်တရရှိတာ Moon Bakery ကို သွားမယ်ဆိုတော့ နောက်ပြန်ကွေ့ဖို့ စက်ကပြောပါတယ်။ သူမှတ်ထားတဲ့ လမ်းကြောင်းက တစ်ဖက် အင်းစိန်လမ်းဖက်က ဖြစ်နေလို့ ထင်ပါတယ်။ ပြည်လမ်းက သွားတဲ့ လမ်းကြောင်းကို စက်က မသိတာလား။ ကျွန်တော်လဲ သေသေချာချာ မသိပါဘူး။

ဒီတစ်ခါ ကိုထူးမြင့်နောင် မိတ်ဆက်တဲ့ Device ကိုတော့ စိတ်ဝင်စားမိပါတယ်။ DEFINED tab လို့ အမည်ရပါတယ်။

မိတ်ဆက်ပွဲမှာ ဆရာမကြီး ဒေါ်ဝါဝါထွန်းက အဖွင့်အမှာစကား ပြောပါတယ်။ ဆရာမကြီးက အပြောင်းအလဲတွေ ဖြစ်နေတယ်ဆိုတဲ့ အကြောင်း သူကိုယ်တိုင် လိုက်မမှီနိုင်အောင် ဖြစ်နေတယ် ဆိုတဲ့ အကြောင်း၊ အဲဒီအပြင် ကိုထူးမြင့်နောင်ကို ဒီလို device လေးတွေပဲ မရောင်းစေချင်ဘူးဆိုတဲ့ အကြောင်း ပြောသွားပါတယ်။ ကျွန်တော့် အမြင်အရ Consumer Based အမြင်နဲ့ Corporate Based အမြင်အပေါ်မှာ မတူညီတဲ့ အမြင်တွေ ရှိနေတယ်လို့ ခံစားရပါတယ်။ Gadget လေးတွေကို ရပ်တည်ဖို့အတွက် တစ်ခုပြီးတစ်ခု ထုပ်ရောင်းနေရတယ် သဘောမျိုး ဆရာမကြီးက ဂရုနာနဲ့ ပြောသွားပေမယ့် ကျွန်တော့် အမြင်အရ Gadget ဈေးကွက်ကလဲ မသေးလှတဲ့ ဈေးကွက် ဖြစ်ပြီး တကယ့်ကို သူဌေးဖြစ်နိုင်တဲ့ အကွက်အကွင်းဖြစ်တယ်လို့ မြင်ပါတယ်။ လူတိုင်းကိုင်နိုင်တဲ့ လူတိုင်းမကိုင် မဖြစ်တဲ့ Gadget တစ်ခုကို ဖန်တီးနိုင်မယ်ဆိုရင် တကယ့်ကို တန်းဝင်တဲ့ အချမ်းသာဆုံး စာရင်းဝင် နည်းပညာ ကုမ္ပဏီတစ်ခု နေ့ချင်းညချင်း ဖြစ်နိုင်စွမ်းရှိပါတယ်။

နောက် ကိုထူးမြင့်နောင် မိတ်ဆက်တဲ့ DEFINED tab လို Gadget တွေက တရုတ်ပြည်ကလာတဲ့ MP4 Player တွေလို မဟုတ်ပါဘူး။ တကယ့်ကို နည်းပညာအရ ပေါင်းစပ်မှုတွေ အများကြီး Value Added Gadget ဖြစ်ပါတယ်။ ဒါပေမယ့် မြန်မာနိုင်ငံရဲ့ ဈေးကွက် အနေအထား၊ ဝယ်လိုအားအရ အကောင်းဆုံး အပျံဆုံး အလန်ဆုံး ထုတ်ဖို့ မဖြစ်နိုင်သေးတာ ချွင်းချက်တော့ ရှိပါတယ်။ ဒါပေမယ့် အဲဒီလို အကောင်းဆုံး Device တွေကိုလဲ စမ်းသပ် ကြည့်သင့်တယ်လို့ ကျွန်တော် မြင်ပါတယ်။ ပြည်တွင်းက ထုတ်ရင် ဈေးပေါရမယ်။ ပြည်တွင်းက ထုတ်တာဆိုရင် စိတ်ထဲမှာ အထင်သေးပြီးသား ဖြစ်နေတတ်တဲ့ ကျွန်တော်တို့ Paradigm ကိုလဲ ပြောင်းသင့်တယ်လို့ ထင်ပါတယ်။ ဒါပေမယ့် အဲဒီအကြောင်းတွေကို ကိုထူးမြင့်နောင်က နောကျေနေအောင် သိပြီး ဖြစ်ပါလိမ့်မယ်။

သူ့ကို အင်တာဗျုးတုန်း သူပြောတစ်ခု မှတ်မိပါသေးတယ်။ ကျွန်တော်တို့က ရေအိုင်လေး လိုက်ဖန်တီးတဲ့သူ ဖြစ်ပါတယ်။ အဲဒီလို ကျွန်တော်တို့ ဖန်တီးခဲ့တဲ့ ရေအိုင်လေးတွေကနေ ရေကန်ကြီးတွေ ဖြစ်နေတာ တွေ့နေရပြီ ဖြစ်ပါတယ်လို့ ပြောဖူးပါတယ်။ အဲဒီတော့ တစ်လက်စတည်း အကောင်းစား ကြိုက်သူတွေအတွက် အကောင်းဆုံး Device တွေ ဆက်ထုတ်ပါလို့ တိုက်တွန်းလိုက်ရပါတယ်။

Unboxing လုပ်လိုက်တော့ ပထမဦးဆုံး သတိထားမိတာ ဘူးမှာ Touch Screen စာလုံးပေါင်း မှားနေတာပါ။ ဪသူ့မှာပါတဲ့ Touch Screen က အိုင်ပက်လောက် မကောင်းလို့ အီးတစ်လုံး ဖြုတ်ထားတာ ဖြစ်မယ်လို့ ရွတ်နောက်နောက် တွေးမိပါတယ်။ တစ်ခါတစ်လေမှာ အဲဒီလိုမှားတတ်ပါတယ်။ အိုင်ပက်လောက်လဲ မကောင်းဘူးလို့ ပြောရင် သေချာပါတယ်။ အဲဒါဆို အိုင်ပက်လောက် ဈေးပေးလေဗျာ ကျွန်တော် လုပ်ပေးမယ်လို့ ပြန်ပြောမှာ သေချာပါတယ်။ နောက်ပြီး နာမည်ပေးတဲ့ အပိုင်းမှာ ကျွန်တော့် စိတ်ထဲမှာ ဖြစ်လာတဲ့ အမြင်လေးကိုလဲ တင်ပြချင်ပါတယ်။ DEFINED tab ကို ကလေးတွေအတွက် အဓိကထား ဖြန့်ဝေတယ်လို့ သိရပါတယ်။ အဲဒီတော့ ကလေးတွေ အနေနဲ့ DEFINED ဆိုတဲ့ စာလုံးအပေါ်မှာ မှတ်ရခက်သွားနိုင်တယ်လို့ ကျွန်တော် မြင်ပါတယ်။ ကျွန်တော့် သမီးလေးကို DEFINED ဆိုတဲ့ အသံထွက်ကို ထွက်ခိုင်းကြည့်တော့ အဆင်ပြေပြေထွက်နိုင်ပေမယ့် အဲဒီ စာလုံးကို ကြိုက်လားဆိုတော့ မကြိုက်ဘူးလို့ ပြောပါတယ်။ ကျွန်တော့် သမီးလေးက ခုမှ တစ်တန်းဆိုတော့ မကြိုက်တာလဲ ဖြစ်နိုင်ပါတယ်။ ဒါပေမယ့် သူက အိုင်ပက်သရဲပါ။ ကျောင်းပြန်လာတာနဲ့ အိုင်ပက်ကို အသည်းအသန်ဆော့ပါတယ်။ သမီက အိုင်ပက်ဆိုတဲ့ စာလုံးကိုလဲ မကြိုက်ပါဘူး။ ဒါကြောင့် သူကိုယ်တိုင် နာမည်ပေးထားတာ လက်တို့ပြားပါတဲ့။ DEFINED tab ဆိုတာထက် ကလေးတွေအတွက် ပိုရင်းနှီးမယ့် နာမည်ပေးမယ်ဆိုရင် ပိုပြီးကောင်းမယ်လို့ ကျွန်တော် တစ်ဦးတည်းအမြင်အရ တွေးမိပါတယ်။ ဘာပဲဖြစ်ဖြစ် ကိုထူးမြင့်နောင်ရေ ပေးရတာနဲ့ ရတာ တန်တယ်လို့ လုံးဝ(လုံးဝ) ယုံကြည်ပါကြောင်း ခင်ဗျ။

ဘာပဲဖြစ်ဖြစ် ကိုထူးမြင့်နောင်ရေ ပေးရတာနဲ့ ရတာ တန်တယ်လို့ လုံးဝ(လုံးဝ) ယုံကြည်ပါကြောင်း ခင်ဗျ။

User Interface အပိုင်းမှာတော့ ကလေးတွေသုံးဖို့ ရည်ရွယ်တယ်ဆိုတဲ့ အတိုင်း အလွယ်ဆုံး အရိုးရှင်းဆုံး ဖြစ်အောင် လုပ်ထားတာ တွေ့ရပါတယ်။ Setting ဆိုတွေလဲ ဘာမှမပါပဲ။ သုံးရမယ့် အဓိက အစိတ်အပိုင်းတွေကိုသာ ပြထားပါတယ်။ အဘိဓာန်ကို အဓိကထားတဲ့ Device ဖြစ်တာနဲ့အညီ အဘိဓာန်ဆိုတာကို Default ထားတာ တွေ့ရပါတယ်။ အဓိကအကျဆုံးအပိုင်းကို Default အနေနဲ့ ထားပြီး ကျန်တဲ့ အစိတ်အပိုင်းတွေ ထပ်ဖြည့်ထားပါတယ်။ သီချင်းနားထောင်လို့ ရတဲ့အပိုင်း ဗီဒီယိုကြည့်လို့ရတဲ့ အပိုင်း၊ အဲဒီအပြင် Polar Star က မြစ်ဖျားခံလာတဲ့ မြေပုံလဲ ကြည့်လို့ရတာ တွေ့ရပါတယ်။ နောက် Calculator ပါတယ်။ ဂိမ်းတွေ ပါပါတယ်။

အကြိုက်ဆုံးအပိုင်းကို ပြောပါဆိုရင်တော့ အဘိဓာန်အပိုင်းပါ။ ပါဝင်တဲ့ အဘိဓာန်တွေကို လေ့လာကြည့်မယ် ဆိုရင်

English-Myanmar Dictionary (ပညာရေးဝန်ကြီးဌာန၊ မြန်မာစာအဖွဲ့ဦးစီးဌာန)
Myanmar-English Dictionary (ပညာရေးဝန်ကြီးဌာန၊ မြန်မာစာအဖွဲ့ဦးစီးဌာန)
Oxford Advanced Learners
Merriam-Webster
Longman Contemporary English

Dictionary စုစုပေါင်း ငါးခုထည့်သွင်း ပေးထားပါတယ်။ အားလုံးက စာအုပ်အကြီးကြီးတွေ ဖြစ်ပြီး Pocket Dictioary တွေ မဟုတ်ပါဘူး။ ကြည့်လို့ အဆင်ပြေဆုံး Dictionary တွေကတော့ မြန်မာစာအဖွဲ့က Dictionary တွေပါ။ ကျန်တဲ့ Dictionary တွေမှာတော့ အရောင်ခွဲထားတာ ပုံစံချထားတာ မကောင်းပါဘူး။ အိုင်ပက်မှာ သုံးတဲ့အတိုင်းပါပဲ။

အားနည်းချက်တစ်ခုအနေနဲ့ Dictionary တစ်ခုနဲ့ တစ်ခု အကူးအပြောင်းမှာ ပြောင်းလို့ ပြောင်းသွားမှန် မသိနိုင်ပါဘူး။ ပြောင်းဖို့အတွက် အချိန်စောင့်ရတာ ပြသနာ မရှိပေမယ့် ပြောင်းပြီထင်လို့ နိပ်လိုက်တဲ့အခါ စက်က ရပ်နေတတ်ပါတယ်။ နောက် ကီးဘုတ် အနေနဲ့ Qwerty Keyboard မဟုတ်တဲ့အတွက် စာလုံးတွေ ရှာတဲ့နေရာမှာ နည်းနည်းတော့ အခက်အခဲရှိပါတယ်။ ဒါပေမယ့် Instant Search လုပ်ပေးနိုင်တဲ့အတွက် ကိုယ်ရှာချင်တဲ့ စာလုံးကို အလွယ်တကူ ရှာလို့ ရပါတယ်။ အသံထွက်ခိုင်းလို့ ရပေမယ့် တကယ့် Dictionary တွေမှာလို လူတစ်ယောက်က ထွက်ပြတဲ့ အသံမျိုး မဟုတ်ပဲ စက်က ထွက်ပြတဲ့ အသံမျိုး ဖြစ်နေပါတယ်။

တစ်ခြား Value-added တွေ ဖြစ်တဲ့ MP3 Player တွေကတော့ Interface အပိုင်းမှာ အဘိဓာန်လောက် မကောင်းတာ တွေ့ရပါတယ်။ အသံအတိုးအကျယ် လုပ်တဲ့ဟာကို အတော်လေး လုပ်ယူရပါတယ်။ နောက် သီချင်းတွေကို တစ်ဖက်ကို ထည့်ထည့်ပြီး ဖွင့်ရတာထက် List မှာ တစ်ခါတည်း ဖွင့်လို့ရရင် ပိုကောင်းမယ်လို့ ထင်ပါတယ်။ ဘာပဲ ဖြစ်ဖြစ် Dictionary တွေနဲ့တင် တန်နေပြီ ဖြစ်တဲ့ DEFINED tab အတွက် Value-added တွေအပေါ်မှာ ဖြည့်တွေးလို့ ရပါတယ်။ စိတ်ကသိကအောင့် ဖြစ်ရတဲ့ အချက်တစ်ခုကတော့ တကျွိကျွိနဲ့ နှိပ်တိုင်း မြည်နေတာပါ။ Stand-by Mode မှာလဲ မျက်နှာပြင်ကို ထိလိုက်တိုင်း တကျွိကျွိမြည်နေပါတယ်။

ဘာပဲ ဖြစ်ဖြစ် Dictionary တွေနဲ့တင် တန်နေပြီ ဖြစ်တဲ့ DEFINED tab အတွက် Value-added တွေအပေါ်မှာ ဖြည့်တွေးလို့ ရပါတယ်။

DEFINED tab အပေါ်မှာ ခြုံငုံသုံးသပ်ရမယ်ဆိုရင် အကောင်းဆုံး Dictionary တွေ စုစည်းထားတယ်။ Warranty အနေနဲ့လဲ တစ်နှစ်အထိ ပေးထားပြီး တစ်ခြား စက်ပိုင်းဆိုင်ရာ အာမခံချက်တွေလဲ ပေးထားတယ်။ ဈေးနှုန်းအနေနဲ့လဲ သင့်တင့်တဲ့ အနေအထားမှာ ရှိတယ်။ Touch Screen နည်းပညာကိုလဲ အသုံးပြုထားတဲ့အတွက် အဆင့်မြင့်တယ်။ (Touch လုပ်ရတာတော့ အနည်းငယ် ဖိဖို့ လိုပါတယ်) Dictionary စာအုပ်ကြီးတွေကို သယ်နေစရာ မလိုတော့ပဲ အိပ်ကပ်ထဲမှာတင် ထည့်ထားလို့ ရတယ်။ အာမခံထားတဲ့အတိုင်း အသုံးခံမယ်ဆိုရင်တော့ ဝယ်သုံးဖို့ အသင့်တော်ဆုံး Gadget တစ်ခုဖြစ်ကြောင်း ညွှန်းရမှာ ဖြစ်ပါတယ်။ (အာမခံချက်ကလဲ ရဲပါတယ်။ ခဏခဏလာပြင်တာ သုံးခါဆိုရင် ငွေပြန်အမ်းတဲ့အထိ တာဝန်ယူပါတယ်တဲ့)

Thiha (Myanmar Links)

© Thiha for Myanmar Tutorials, 2012. | Permalink | One comment | Add to del.icio.us | Add to Facebook
Post tags: DEFINED tab

Feed enhanced by Better Feed from Ozh

[Updated New Book] .Net Framework with OOP (PDF)

Zawmin — Sun, 29 Jan 2012 17:25:20 +0000

အရင်နေ့က တင်ပေးလိုက်တဲ့ စာအုပ်က တစ်ချို့တွေနားမလည် တဲ့ Constructor တို့ Parameterized Constructor တို့အစရှိတဲ့ စာတွေကျန်သွားတယ်. အခြေခံလေးတွေ ကျန်သွားတယ်..ဒီတော့ ကျွန်တော် အားလုံးစုံအောင် ဆိုပြီးတော့ နောက်ထပ် ထပ်ဖြည့်ပေးလိုက်တယ်.. အားလုံး စာမျက်နှာပေါင်း ၁၀၂ ရှိပါတယ်. လွယ်ကူနားလည် စေရန်ရည်ရွယ်ရေးပေးထားပါတယ်.

C#.Net ကိုလေ့လာမဲ့သူတွေအတွက် အဆင်ပြေစေမဲ့ စာအုပ်လေးတစ်အုပ်ရေးပြီးတင်ပေးလိုက်ပါတယ်.အဲ့ဒါလေး ဖတ်လိုက်ရင်တော့ ကောင်းကောင်း သဘောပေါက်သွားမယ်လို့ တော့ပြောလိုက်တယ်.
ကျွန်တော် နားလည် သဘောပေါက်ထားသလို နားမလည် သေးတဲ့ လူတွေကို သိစေချင်ပါတယ်..ကျွန်တော်လည်း ဘာမှ သိပ်တတ်တဲ့လူမဟုတ်ပါဘူး..အများသူငါလိုပါဘဲ.
အဲ့ဒါကြောင့် အတတ်နိုင်ဆုံး ကြိုးစားပြီးတော့ နားလည်အောင် ရေးပေးထားတယ်.
လုံး၀ မသိသေးတဲ့ လူတွေအတွက် ရည်ရွယ်ပြီးတော့ ရေးပေးထားတဲ့အတွက်ကြောင့် အခုမှ စလေ့လာမဲ့ သူတွေအတွက် အဆင်ပြေမယ်လို့မျှော်လင့်တယ်.
အပိုင်းပိုင်းလေး ကိုတင်နေရင် ကြာမှာစိုးလို့ တစ်ခါ တည်းပေါင်းပြီးတော့ PDF ထုတ်ပေးလိုက်တယ်..စာတွေက မနှစ်ကရေးထားတာ.အကြောင်းကြောင်းကြောင့် အခုမှဘဲ တင်ဖြစ်တော့တယ်..

ဒါပြီးရင်လည်း နောက်ထပ် နှစ်အုပ်လောက် ထပ်ရေးပေးမယ်.. နားလည် စေချင်..တတ်စေချင်လွန်းလို့ပါ..
အခု စာအုပ် တင်ပေးချင်လွန်းလို့ မနည်းကို တက်ပြီးတော့ တင်ပေးလိုက်ပါတယ်.ဒါတောင် တော်တော် အချိန်ပေးလိုက်ရတယ်. နှစ်ရက်လောက်ပေးလိုက်ရတယ်.
အမှား လေးတွေ ပါဝင်ခဲ့ရင်လည်း ခွင့်လွှတ်ပေးပါလို့ တောင်းပန်ချင်ပါတယ်။
အောက်ပါအချက်တွေ အကြောင်းကို သေသေချာချာ ရှင်းပေးထားတဲ့အတွက် ကြောင့် အဆင်ပြေမယ်လို့မျှော်လင့်ပါတယ်..တော်တော် လေးစုံပါတယ်။
အဆင်မပြေမှုများရှိရင်လည်း dk92ster@gmail.com ကိုပေးပို့၍သော်လည်းကောင်း ဆက်သွယ်မေးမြန်းအကြံပြုနိုင်ပါတယ်.

အရင်နေ့က ဖြစ်သွားတဲ့ Comment တွေကိုတော့ ဆက်ပြီး ပြဿနာ မဖြစ်အောင် ဖျက်ပစ်လိုက်ပါပြီ.။နောင်အခါမှာလည်း ကျွန်တော့်အမြင် ကိုဘယ်တော့မှ မတင်ပြတော့ပါဘူး။ဒီအတွက် အနူးအညွှတ် တောင်းပန်ပါတယ်. Topic ကလုံး၀ လွဲသွားတဲ့အတွက်ကြောင့်ပါ။စာအကြောင်းဘဲ ဆက်ပြောကြတာပေါ့.
ဘာတွေအသစ် ထပ်ပါလည်းဆိုတော့

Type in .Net
How to create Object and use
Type Conversion
TryParse
Structure in .Net
About Constructor
Parameterized Constructor
Enum in .Net
Formatting Output
.Net Framework with OOP
Class In C#.Net
Class Member
Access Modifiers
Getter Setter Method
Property
Method Overloading
Overloaded Constructor
Sealed Classes , Methods
Static Class Members
Constants and Read-Only Field
Constants Field
အခြားအကြောင်းအရာများ…

လေးစားစွာဖြင့်

Zaw Min Soe (Initial)
(MCTS , MCPD [Web])
(MCTS [SQL Server 2008])

Download Links

http://i.minus.com/1328085868/UvelDlzTS_SpUwYZ-0owLw/dbuA08t8LwuzKy.pdf

အားလုံးကျန်းမာ ချမ်းသာကြပါစေ။

Feed enhanced by Better Feed from Ozh

လက်ချောင်းများ၏ စေညွှန်ရာသို့ အပိုင်း(၂)

Thiha — Mon, 23 Jan 2012 09:36:19 +0000

Mobile Ecosystem (သို့) မိုဘိုင်းလူမှုဝန်းကျင်

သင့်နှင့် အနီးပတ်ဝန်းကျင်တွင် မိုဘိုင်းဖုန်းနှင့် အရက်ဆိုင် ရှိကို ရှိရမည်ဟု ဟောကိန်းထုတ်လျှင် မည်မျှအထိ မှန်နိုင်သည်မသိ၊ သတင်းသိုးသိုးသဲ့သဲ့ ကြားရသော ငါးထောင်တန် ဆမ်းကဒ်တွေ ပေါ်လာလျှင် ဒီထက်ပိုပြီး မှန်ပေဦးမည်။ နိုင်ငံတကာမှာ ဒီအတိုင်းဖြစ်နေခဲ့တာကြာပြီ။ ဟမ်ဘာဂါ တစ်လုံးစာ မိုဘိုင်းတစ်လုံး လက်ဆောင်ရသော အခြေအနေမျိုးအထိ မိုဘိုင်းဖုန်းက ပေါများနေကြသည်။ လောကကြီးတွင် ပေါသင့်သော အရာများရှိသလို မပေါသင့်သော အရာများလဲ ရှိချေသည်။ မိုဘိုင်းဖုန်း၏ ပေါခြင်းသည် ကောင်းသော ပေါခြင်း ဟုတ်မဟုတ်မသိနိုင်သော်လဲ တာဝါတိုင်လဲစိုက်ပေး ဖုန်းကဒ်လဲဝယ်၊ ဖုန်းဖိုးလဲ ပေးရသော ကျွန်တော်တို့အတွက် မိုဘိုင်းဖုန်း၏ ပေါခြင်းက မင်္ဂလာတစ်ပါး ဖြစ်နေမှာ သေချာသည်။

ပထပိုင်းတွင်း ဆိုခဲ့ပြီးသည့်အတိုင်း ယနေ့ခေတ်ကြီးသည် မိုဘိုင်းအင်တာနက် ခေတ်ကြီး ဖြစ်ချေသည်။ မိုဘိုင်းအင်တာနက်ခေတ်ကြီး ဖြစ်သည်နှင့်အညီ မိုဘိုင်းလူမှု ဝန်းကျင်ကြီးတစ်ခုလဲ ဖြစ်ထွန်း လာလေသည်။ လိုချင်တပ်မက်မှုမှ အစပြုခဲ့သော မိုဘိုင်းများသည်လဲ လိုအပ်ချက် အဆင့်သို့ ကူးပြောင်းလာလေ၏။ ဒီတော့ မိုဘိုင်းဆိုတာ မရှိမဖြစ်အရာတစ်ခု ထီးနှင့် ဖိနပ်သာ မပါရင်နေမယ် မိုဘိုင်းဖုန်းတော့ ပါဖြစ်အောင် ပါသော မပါလို့ မရသော၊ မပါရင် ဘာမှလုပ်လို့ မရသော ခေတ်တစ်ခုဆီသို့ ဆိုက်ဆိုက်မြိုက်မြိုက်ကြီး ရောက်လာချေတော့သည်။ (မှတ်ချက် – မြန်မာနိုင်ငံမပါသေး) ထိုကဲ့သို့သော မိုဘိုင်းအင်တာနက် ခေတ်ကြီးတွင် မိုဘိုင်းလူမှုဝန်းကျင်တွင် ဟိုဟိုဒီဒီ လျှောက်ကြည့်မည် ဆိုပါက အောက်ပါ အကြောင်းအချက်များ ဖြစ်ပေါ် ထွန်းကားနေသည်ကို အမှန်အကန် တွေ့ရပေလိမ့်မယ်။ (မှတ်ချက် – မြန်မာနိုင်ငံ မပါသေး၊ တော်ကြာ အတင်းသွားကြည့်နေမှာစိုးလို့)

Augmented Reality

ဒီစာသား Augment Reality ဆိုတာကို ကြားဖူးနေတာ ကြာပြီ ဖြစ်သည်။ သို့သော် မည်သို့ မြန်မာမှုပြုရမည် မသိ။ ဟိုးယခင်က Virtual Reality ဟုသာ ကြားဖူးသည်။ ယခုတော့ Argmented Reality နောက်တော့ Modulated Reality နောက်ဆုံးမှာတော Mediated Reality အဆင့်သို့ပင် ရောက်နေပြီဟု မှတ်သားရသည်။ ဘာသာမည်ကဲ့သို့ ပြန်ရမည် မသိသော်လဲ သဘောတရားများကိုတော့ ခြုံငုံနားလည်အောင် လေ့လာမိသည်။

အထက်တွင် ပြထားသော ပုံသည် Wikipedia မှ ယူထားသော ပုံဖြစ်သည်။ Virtual Reality မှသည် Mediated Reality ဖြစ်သည်အထိ အဆင့်ဆင့် ဖြစ်တည်လာပုံများနှင့် အချင်းချင်း ဆက်စပ် ပတ်သက်ပုံများကို ဆဝါးနိုင်ပေလိမ့်မည်။ ဒီထက်ပိုပြီး Augmented Reality ကို ရှင်းလင်းသွားစေရန် YouTube Video ကို ကြည့်မည်ဆိုလျှင် ပိုပြီး ပီပြင်သွားမည် ထင်သည်။

Augmented Reality ကို နမူနာတစ်ခုအနေဖြင့် ထုတ်နှုတ်ပြရမယ်ဆိုလျှင် မိုဘိုင်းကိရိယာများတွင် ပါဝင်သော ကင်မရာများမှာတစ်ဆင့် အဆောက်အဦးများကို ရိုက်လိုက်မည်ဆိုလျှင် ရရှိလာသော ပုံရိပ်အပေါ်ကွန်ပျူတာက တွက်ဆပုံဖော်ပြီး မည်သည့်နေရာဖြစ်သည်၊ မည်သည်တို့ ရရှိနိုင်သည် စသည်ဖြင့် ပုံရိပ်ဖမ်းပြီး သတင်းအချက်အလက် ပေးနိုင်စွမ်းပေသည်။

Augmented Reality တွင် ပုံရိပ်များ၊ အသံများ၊ ဗီဒီယိုများအပြင် GPS များနှင့်ပါ တွဲဆက် အသုံးပြုနိုင်စွမ်းတွေ ရှိနေပြီ ဖြစ်သည်။ အဆိုပါ အခွင့်အရေးမျိုးသည် Desktop Computer များ ဘယ်လိုမှ မရနိုင်သော အခွင့်အရေးများ ဖြစ်သည်ဟု ယေဘူယျ မှတ်သားရပေသည်။ iPad ပေါ်တွင် Augmented Reality ထက်အဆင့်မြင့်သော Mediated Reality ကို အသုံးပြုထားသော Mobile Apps များ ဒုနဲ့ဒေးရနိုင်နေပြီ ဖြစ်သည်။ Augmented Reality ၏ အားသာချက်များကို အသုံးချလျှက် ပညာဆိုင်ရာ၊ အာကစားဆိုင်ရာ စသည်တို့တွင် ပုံစံအမျိုးမျိုး၊ နည်းလမ်းအမျိုးမျိုး စမ်းသပ်တီထွင်လဲ ရှိကြပေသည်။ Augmented Reality သည် နည်းပညာဘီလူးကြီးများအတွက် ခပ်ကြီးကြီး ဝါးစရာခွင်ကြီး ဖြစ်သလို လက်တည့်စမ်းလိုသူ၊ တီထွင် စမ်းသပ်လိုသူတွေအတွက်လဲ အလွန်အရေးပါသော နည်းပညာတစ်ခု အဖြစ် မိုဘိုင်း အင်တာနက် ခေတ်ကြီးတွင် ပေါ်ထွန်းလာပေသည်။

ပိုက်ဆံအိတ် ဖြစ်သွားသော မိုဘိုင်း (သို့) Mobile Device as Wallet

လွန်ခဲ့သော ဆယ်နှစ်ခန့်က Cashless Society ဆိုသည့် စကားတစ်ခွန်းကို ဆရာတစ်ယောက်က သင်ပေးသည့်အတွက် ကြားဖူးသည်။ Cashless ဆိုတော့ ငွေမကိုင်တော့ဘူး၊ ငွေမကိုင်ဘူးဆိုတော့ ဘယ်လို အဖွဲ့အစည်းပါလိမ့် ဆိုပြီးဆရာကို မေးကြည့်မိတော့ ဆရာက ရွတ်နောက်နောက် ပြန်ဖြေသည်။ တရုပ်ကားတွေထဲက သူတောင်းစားဂိုဏ်းတွေလို နေမှာပေါ့ဟု။ နောက်တော့ ဆရာက ဆက်ရှင်းပြသည်။ Credit Card များသာ ကိုင်ဆောင်ကြပြီး ငွေမကိုင်ကြတော့ သဖြင့် Cashless Society ဟု ခေါ်ကြောင်း သိရသည်။ ထိုစဉ်က ကျွန်တော်တို့ စိတ်ထဲတွင် ကဒ်လေးတစ်ကဒ်သာ ကိုင်ရမည်ဆိုတော့ ငွေတွေ အထပ်လိုက်ကိုင်ရသလို အရသာတွေ့မည်မဟုတ်ဟု ပြောဖြစ်ကြသည်။

သို့သော် မိုဘိုင်းအင်တာနက်ခေတ်ကြီးတွင် အရွေ့တစ်ခု ထပ်ပေါ်လာပြန်သည်။ အဆိုပါ အရွေ့က နောက်ထပ် Society တစ်ခုကို ပုံသွင်းလာနေပြီ ဖြစ်သည်။ အဆိုပါ Society ကို Cardless Society ဟု ဆိုမည်လား။ မည်သူများ ကဒ်မကိုင်တော့။ မကိုင်မဖြစ် စွယ်စုံသုံး မိုဘိုင်းကိရိယာတစ်ခု ရှိလျှင် ငွေချေလို့လဲ ရပြီ။ ငွေပေး၊ ငွေလွှဲလို့လဲ ရပြီ။ ဤကဲ့သို့သော ဖြစ်စဉ်ကို တင်စားပြောဆိုသည့် စကားက Mobile Device as Wallet ပိုက်ဆံအိပ်ဖြစ်သွားသော မိုဘိုင်း။ ငယ်ငယ်က ရုပ်ရှင်တွေထဲမှာ စွဲနေသော ငွေတွေ တစ်ထပ်ကြီးကိုင်မှ ငွေပုံကြီးပေါ်တွင် ထိုင်နေသော ဦးကပ်စေးကိုကြည့်ပြီး ငွေတွေ အပုံလိုက်ကြီး အထပ်လိုက်ကြီးသာ ကိုင်လိုသည်။ ဒါကြောင့် ခုချိန်ထိ ကျွန်တော်တို့ နိုင်ငံတွေ Cardless Society မဟုတ်သေး Cashless Society ပင် မရှိသေးခြင်း ဖြစ်ကြောင်း တွေးဆမိသည်။

တီဗီကြည့်လို့ရတဲ့ မိုဘိုင်း (သို့) TV on the go

ယခုလက်ရှိ အမေရိကန် သမ္မတကြီး အိုဘားမား ကျမ်းသစ္စာကျိန်ဆိုပွဲ မိန့်ခွန်းပြောတုန်းက ဖြစ်သည်။ မိုဘိုင်းကိရိယာများမှ တစ်ဆင့် တိုက်ရိုက်ကြည့်ရှုသော အရေအတွက် စံချိန်တင်ခဲ့ကြောင်း သိရသည်။ ကိုယ်က အလုပ်အပြန် ကားပေါ်ရောက်နေသည်။ ကားကကျပ်၊ မီးပွိုင့်ကပိတ် ကြည့်ချင်သည့် ဘောလုံးပွဲက မန်ယူနှင့် မန်စီးတီး စိတ်ထဲမှာ ကြိတ်မနိုင်ခဲမရနှင့် အတော်အနေရ အထိုင်ကျ ကျပ်ပေသည်။ TV on the Go သာ ရှိလို့ကတော့ အတော်လေးကို ခရီးပေါက်ပေလိမ့်မည်။ မိုဘိုင်းဖုန်းလေးဖွင့် ဘောလုံးပွဲကိုကြည့် စိတ်အေးလက်အေး ထိုင်လိုက်ယုံသာ ဘယ်အချိန်ရောက်ရောက် ကိစ္စမရှိတော့။

တစ်ခါက သူငယ်ချင်း တစ်ယောက်ကို ထိုအကြောင်းပြောဖူးသည်။ Small is beauty ဆိုတဲ့ အဆိုကို တစ်ချို့နေရာတွေမှာ ထောက်ခံပြီး တစ်ချို့နေရာတွေမှာ မထောက်ခံဘူးဟု ဆိုသည်။ မင်းစဉ်းစား ကြည့်လေကွာ မိုဘိုင်းကိရိယာတွေ ပေါ်လာတော့ စခရင်တွေက သေးသေးလာတယ် ဒီတော့ ကြည့်ရတာ အားမရဘူး။ ငါဆိုတဲ့ကောင်က ဘောလုံးပွဲဆိုရင် ပရိုဂျက်တာနဲ့ ပြတဲ့ လက်ဖက်ရည်ဆိုင် သွားကြည့်တဲ့ ကောင်ကွ။ နောက် သေးသေးလေးကို ပြူးပြဲကြည့်တော့ မျက်စိလဲပျက်တယ်ကွ ဟုဆိုသည်။ မျက်စိ ပျက်နိုင်သောကြောင့် အကြီးကြီးကြည့်စေချင်သော စေတနာကြောင့် မိုဘိုင်းနှင့် တီဗီအစီအစဉ်တွေ မလွင့်ကြတာပါလားလို့ စိတ်ထဲမှာ မှတ်သားမိသည်။

စမတ်ကျတဲ့ မိုဘိုင်းကွန်ယက် (သို့)“Smart” Mobile Networks

စမတ်ကျတဲ့ မိုဘိုင်းကွန်ယက်ဆိုတာ ဘယ်လိုမျိုးလဲ။ ထုံးစံအတိုင်း အွန်လိုင်းပေါ်တက် ဖတ်ရှုလေ့လာ ကြည့်ပြန်တော့

မြန်နှုန်းမြင့်ကွန်ယက်ဖြစ်ရမည်
VoWLAN ရှိရမည်၊ VoIP လိုမျိုး အင်တာနက်ဖုန်းကို Wireless နဲ့ တွဲလိုက်တဲ့စနစ်
ဘယ်နေရာမှာ ဖြစ်ဖြစ် လိုင်းမိရမည်
လုံခြံရေးအတွက် ဝန်ဆောင်မှု ပေးနိုင်ရမည်
Access Point များ အများကြီး ရှိနိုင်သဖြင့် ပင်မထိန်းချုပ်မှုစနစ် ကောင်းကောင်း ရှိရမည်

အဲဒီလောက်ကောင်းတဲ့ စနစ်ကို မည်သည့်နေရာတွင် သုံးမည်နည်း။ တစ်ခါက ဆရာမင်းခိုက်စိုးစံရေးသော ပုံပြင်တစ်ပုဒ်ကို ဖတ်ဖူးသည်။ ဆက်ကပ်ထဲမှာ မွေးသည့် ခြင်္သေ့ တစ်ကောင်သည် သူ့အမေပြောပြသော တောအကြောင်း တောင်အကြောင်းများကို အမြဲစိတ်ကူးယဉ်၏။ သူ့အမေက တောကလာသူ တောသူ ဖြစ်၏။ ဒီတော့ တောအကြောင်းကို ရွှန်းရွှန်းဝေအောင် ပြောသဖြင့် တောအိပ်မက်၊ တောင်အိပ်မက် အမြဲမက်ရင်း တောမှာပျော်လိုစိတ်၊ တောင်ကို သွားလိုစိတ်ဖြင့် အသက်တွေ ကြီးလာလေသည်။ သူ့အမေလဲ သေသွား၏။ တစ်ကောင်တည်း ဒါပေမယ့် ခြင်္သေ့၊ ဒီလိုနဲ့ တစ်နေ့ ဆက်ကပ်အဖွဲ့ကြီး တစ်နေရာကို ရထားဖြင့်သွားရင် လမ်းတစ်နေရာတွင် ရထားမှောက်လေ၏။ ခြင်္သေ့ကြီး၏ လှောင်အိမ်တံခါးလဲ ပွင့်လေ၏။ ဒီတော့ ခြင်္သေ့ကြီးလဲ အပြင်ဖက်သို့ ခဏထွက်ကြည့်၊ ကြည့်တော့ တောတွေ တောင်တွေ မြင်ရ၏။ သို့သော် ဪ ဆက်ကပ်အဖွဲ့ ကကြတော့မယ် ထင်တယ်ဟု တွေးကာ လှောင်အိမ်ထဲပြန်ဝင် တောအကြောင်း၊တောင်အကြောင်း ပြန်စဉ်းစားနေ၏။ ကျွန်တော်တို့လဲ အဲဒီလောက် ကောင်းတဲ့ ကွန်နက်ရှင်တွေ ရလာရင် ဘာလုပ်ရမည်မသိ ဖြစ်မှာ သေချာနေသည်။ လှောင်အိမ်ထဲမှာ တောအကြောင်း တောင်အကြောင်း စဉ်းစားနေတာ အကောင်းဆုံးပဲ ဖြစ်လိမ့်မည် ထင်သည်။

ဂျီပီအက်(စ်) (သို့) Global Positioning Services

တစ်ခါက Google ၏ ဝန်ဆောင်မှု တစ်ခုနှင့် ပတ်သက်ပြီး သူငယ်ချင်း တစ်ယောက်နှင့် ပြောဖူးသည်။ Google Place ဟု အမည်ရမည် ထင်သည်။ မိုဘိုင်းဖုန်းကွန်ယက်များမှ တစ်ဆင့် ဘယ်နေရာ ရောက်နေသည်။ ယခုလက်ရှိရောက်နေသည့် နေရာသည် မည်သည့်နေရာ ဖြစ်သည်။ အနီးအနားတွင် မည်သည့် ဆိုင်များ ရှိသည် စသည်ဖြင့် ရှာဖွေနိုင်စွမ်း ရှိသော စနစ်ဖြစ်သည်။ ဒီ စနစ်အပေါ်မှာ သူငယ်ချင်း တစ်ယောက်က အပြင်းအထန် ကန့်ကွက်လေသည်။ အဲဒီလို ဝန်ဆောင်မှုတွေ မိုဘိုင်းမှာ ပါလာလို့ကတော့ ငါတော့ ခက်ပြီသူငယ်ချင်း၊ ဒီစနစ်ကို ငါအပြင်းအထန် ကန့်ကွက်တယ်ဟု ဆိုသည်။ ဟ ဘာဖြစ်လို့လဲ ဆိုတော့ အဲဒီလိုသာ ငါဘယ်နေရာသွားတယ်၊ ဘယ်နေရာမှာ ရှိနေတယ် သိလို့ကတော့ ငါ့မိန်းမသိရင် ကွိုင်ပြီ၊ ငါသွားချင်တဲ့ နေရာသွားလို့ ဘယ်လိုလုပ်ရတော့မှာလဲဟု ပြောသည်။ ကျွန်တော်လဲ စိတ်မပူပါနဲ့ သူငယ်ချင်းရာ အဲဒီလို အဆင့်ဆိုတာ ငါတို့နိုင်ငံမှာ မင်းမြေးရလောက်တဲ့ အချိန်တောင် ရောက်ချင်မှ ရောက်ဦးမှာ၊ ဒါပေမယ့် သူငယ်ချင်းရာ မင်းမလဲ အဲဒီလောက် ဘုန်းကြီးလို့ အသက်ရှည်မယ့်ကောင် မဟုတ်ဘူးဆိုတော့ ပူမနေပါနဲ့ဟု ပြန်နောက်ဖြစ်သည်။ STOP GPS! STOP POLAR STAR! အဲလေ မဟုတ်သေးပါဘူး။ (မှတ်ချက် – ကိုထူးမြင့်နောင် မဖတ်ရ၊ သူကတော့ အဲဒီလို Tracking လုပ်နိုင်သော စနစ်မထည့်သေးဟု သိရသည်။ ထည့်လိုသူ စပွန်ဆာပေးလိုသူ အိမ်ရှင်မ သုံးယောက်ပြည့်လျှင် ထည့်မည်ဟု ဆိုသည်။ သတင်းသဲ့သဲ့ ကြားမိသည်က အိမ်ရှင်မတစ်ဦးက စပွန်ဆာပေးထားသည်ဟု ဆိုသည်။ အဆိုပါ အိမ်ရှင်မအမည်မှာ တနင်္လာဖြင့်စပြီး၊ ဗုဒ္ဓဟူးနှင့် ဆုံးသည်ဟု ဆိုသည်။ သို့သော် တစ်ချို့သော မနာလိုတိုရှည် သမားများက ကိုထူးမြင့်နောင် သူ့ရူးသူပတ်မည့် ကိစ္စ၊ သူမလုပ်ဟု ခန့်မှန်းကြသည်)

ဘောင်းဘီဝတ် အင်တာနက် (သို့) အိပ်ကပ်ထဲက အင်တာနက်

ဘောင်းဘီဝတ်မိုးတိမ်ဟု အမည်ရသော ကဗျာကို အားကျသဖြင့် ခပ်တည်တည်နှင့် ယူသုံးလိုက်ခြင်း ဖြစ်သည်။ မိတ်ဆွေ မျက်စိထဲတွင် မြင်ယောင်ကြည့်ပါ။ လမ်ဘေးတွေ လူတစ်ယောက် ဖုန်းများကို ထီးပြောင်းပြန်လှန်ထည့်ပြီး ရောင်းနေသည်။ ဒါမျိုးကြီးတွေရမယ်နော်၊ အင်တာနက်တွေ ဘောင်းဘီ ဝတ်နေပြီ။ ဘောင်းဘီထဲ ထည့်သွားလို့ရတဲ့ အင်တာနက်။ တိုးတိုးတိတ်တိတ် ကြည့်ချင်သလား။ ရိုးတိုးရိတ်တိတ် ကြည့်ချင်သလား။ ဒါမျိုးကြီးတွေ ရမယ်နော်။ တစ်လုံးမှ ၅၀၀၀ တည်း။ တစ်လုံးမှ ၅၀၀၀ ထောင်တည်း။ ရပ်ကြည့်လို့ အမြတ်မရှိဘူး။ ထိုးကြည့်မှ အကျိုးရှိမယ်။ အဲလေ … ဘောင်းဘီဝတ် အင်တာနက်တွေ ရမယ်။ ဘောင်းဘီဝတ်အင်တာနက်တွေ ရမယ်။ လူတွေက ကြိတ်ကြိတ်တိုး ရွေးဝယ်နေကြသည်။ မှန်ပါသည်။ တစ်နေ့နေ့ တစ်ချိန်ချိန်တွင် အင်တာနက်ဆိုသောအရာကို ဘောင်းဘီအိပ်ထဲ သေချာပေါက် ထည့်ပစ်ကြတော့မည်။ သို့သော် စိုးရိမ်မကင်း ဖြစ်သူတစ်ယောက်က အဆိုပါ ဘောင်းဘီဝတ် အင်တာနက်ရောင်းသူ ဘေးနားတွင် သက်ပြင်းရှည်ချပြီး ပြောသံကြား လိုက်ရသည်။ အင်း စရောင်းကာစတော့ ကောင်းမှကောင်း နောက်တော့ အိုဘာဆေးလ်(Over Sale) နဲ့ ဂျောင်းမှဂျောင်း ဖြစ်ဦးမယ်၊ လူတွေ အမှတ်ကိုမရှိဘူး၊ အရင်တစ်ခါလဲ ဘမ်းနဲ့ဟာဝယ်တယ်၊ ခုလဲ ဒါတွေအလုအယက်ဝယ်ပြန်ပြီ၊ ကျွတ်ကျွတ်ကျွတ် ဟူလို။

အသုံးပြုရလွယ်ကူမှုနှင့် အသုံးဝင်မှု စွမ်းအား မြင့်တက်လာမှု

မိုဘိုင်းနှင့် ကွန်ပျူတာကို အရင်က စည်းတစ်ခုခြားထားသည်။ အဆိုပါစည်းသည် ကီးဘုတ်ဟု ဆိုရမည်ဖြစ်သည်။ မိုဘိုင်းတွင် ပါသော ကီးပက်လေးကို နှိပ်ရသည်မှာ အဆင်မပြေလှ။ နောက်တော့ Touch Screen တွေ ပေါ်လာသည်။ အဲဒီအပြင် Multi Touch ဟုခေါ်သော နည်းပညာက ပေါ်လာပြန်သည်။ ဒီတော့ လူတွေ ပွတ်ရ၊ ထိရ၊ တို့ရ ပိုအဆင်ပြေလာသည်။ ဆရာမကူ အသာပွတ်ရုံဖြင့် အလွယ်တကူ တတ်မြောက်နိုင်စွမ်း ရှိလာသည်။ နောင်တစ်ချိန်တွင် ကွန်ပျူတာ အခြေခံသင်တန်းများ ပျောက်သွားနိုင်သော အနေအထား ရောက်လာနိုင်သည်ဟု ခန့်မှန်းရသည်။ ကွန်ပျူတာများ ဘာခက်လို့လဲ ဒီလိုလေး ပွတ်လိုက်ရတာပဲဟု တောက အဖွားက ပြောမည့်ခေတ် ရောက်သွားနိုင်သည်။

ဆက်ပါဦးမည် …

© Thiha for Myanmar Tutorials, 2012. | Permalink | No comment | Add to del.icio.us | Add to Facebook
Post tags: Mobile, technology, Touch

Feed enhanced by Better Feed from Ozh

လက်ချောင်းများ၏ စေညွှန်ရာသို့ (သို့)Mobile Touch Technology

Thiha — Wed, 18 Jan 2012 07:25:45 +0000

(ဒီဆောင်းပါးကို Myanmar Tutorials နှစ်ပါတ်လည် အတွက် အမှတ်တရ ရေးသားပါသည်။ Pro iOS Design and Development ဆိုသည့် စာအုပ်ကို မှီငြမ်းခံစား ရေးဖွဲ့ပါသည်။)

တစ်နေ့က ကျွန်တော့် မိတ်ဆွေတစ်ယောက် ပြောသော စကားတစ်ခွန်းကို အမှတ်ရမိသည်။ အခုလို လက်ချောင်းလေးတွေနဲ့ ခိုင်းသလိုမျိုး ဟိုးအရင်ကတည်းက ခိုင်းလို့ရခဲ့ရင် ကွန်ပျူတာဆိုတာ ငါ့အတွက် မတတ်စရာ ဘာရှိမှာလဲဟူသည့် စကားဖြစ်သည်။ သူက ကွန်ပျူတာနှင့် ကံအကြောင်းမလှ မပေါင်းရသူ တစ်ယောက် ဒီတော့ လက်ချောင်းလေးရဲ့ စေညွှန်ရာနောက် တစ်ကောက်ကောက် ပါသွားတော့မှ ခုလို ကြုံးဝါးမှုမျိုး ကြားရတော့သည်။ နေးလ် အမ်းစရောင်းက ပြောခဲ့သည် အသေးငယ်ဆုံး ခြေလှမ်းတစ်လှမ်းသည် လူသားမျိုးနွယ် တစ်ခုလုံးအတွက် အကြီးဆုံး အောင်မြင်မှု မှတ်တိုင်ကြီးတစ်ခု ဖြစ်သည်ဟု ဆိုခဲ့သည်။ မှန်ပါသည် လပေါ်ကို ပထမဦးဆုံး ခြေချသည့် လူသားတစ်ဦးအနေဖြင့် အဲဒီလို စကားမျိုး ပြောနိုင်စွမ်း ရှိပေမည်။ ယခုတော့ သေးငယ်သော ခြေလှမ်းတစ်လှမ်းပင် မဟုတ်တော့ လက်ချောင်းကလေး ငါးချောင်း၏ အရွေ့လေးတစ်ခုကပင် လူသားမျိုးနွယ် တစ်ရပ်လုံးအတွက် အကြီးဆုံး အရွေ့တစ်ခုကို သယ်ဆောင်လာခဲ့ပြီ မဟုတ်ပါလော။ အဆိုပါ လက်ချောင်းငါးချောင်း၏ အရွေ့ကို Mobile Touch Technology (လက်ချောင်းများ၏ စေညွန်ရာ နည်းပညာ) ဟု ခေါ်ဆိုကြသည် မဟုတ်ပါ၏လော။

ဟိုးယခင် အချိန်တွေကဆိုလျှင် ကွန်ပျူတာ နည်းပညာဆိုသည်မှာ အသုံးချမှုအပိုင်း၊ အသုံးပြုမှု အပိုင်းမှာပင် သင်ယူဖို့လိုသော သင်ယူမှရသော နည်းပညာတစ်ခုဟု လူတိုင်း သိထားကြသည်။ ယခုအချိန်တွင် ထိုသို့ မဟုတ်တော့ iPad တစ်လုံးကို ကလေးတစ်ယောက်ကို ပေးသာထားလိုက် သူ့ဘာသာ အလွယ်တကူ သင်ယူတတ်မြောက် သွားနိုင်စွမ်း ရှိနေသည်။ ဒါက မျိုးဆက်သစ်အပိုင်း၊ မျိုးဆက်ဟောင်းများ အတွက်လဲ Mobile Touch က လက်ချောင်းကလေးများ၏ ပဉ္စလက်ဆန်ဆန် ကကွက်ဆန်းများ ဆွဲဆောင် ဖျားယောင်းမှုအပေါ် သာယာနစ်မျောရင်း ဆရာမလို သူ့အလိုလို တတ်မြောက်သွား နိုင်စွမ်းတွေ ရှိလာနေပြီ ဖြစ်သည်။ ထို့အပြင် ဟိုးယခင်က Mobile Touch ဆိုတာ ပိုက်ဆံရှိသူတွေသာ ကိုင်နိုင်တာပါကွာ။ Elite တွေအတွက်ပါကွာလို့ ဆိုနိုင်သော်လဲ ယနေ့ကာလတွင် ထိုသို့ မဟုတ်တော့ တကယ့်ကို ဧရာမ vendor အကြီးစားများ ဖြစ်သည့် အမေဇုန်စသည်တို့ကပါ ဈေးအပြိုင်လျော့ချ ထုတ်လုပ်လာကြသည်။ အဲဒီအပြင် ပေါချောင်ကောင်း တရုတ်ဖြစ် Mobile Touch တွေကလဲ တစ်ပုံတစ်ပင်။ ကဲဒီတော့ ထက်ထက်မိုးဦး ခေါင်းလျှော်ရည် ကြော်ငြာသလို သင်ရပြုရတဲ့ ဒုက္ခ၊ ညစ်ရပြုရတဲ့ ကိစ္စ၊ ထုရထောင်းရတဲ့ ကိစ္စတွေကင်းပြီး တစ်ခုတည်းနဲ့ အငြိမ်း ပွတ်ချင်တိုင်းပွတ်လို့ရတဲ့ ခေတ်ကြီး ရောက်နေပြီခင်ဗျလို့ ဆိုရမလို။

စားပွဲတင်ကွန်ပျူတာမှသည် မိုဘိုင်းဆီသို့

မော်ဂန် စတန်လေ၏ အဆိုအရ ကွန်ပျူတာတို့၏ သမိုင်းကြောင်းအဆင့်ဆင့် တိုးတက်ဖြစ်ထွန်းမှုတွင် အဆင့် ၅ ဆင့်ရှိသည်။

၁၉၆၀ ပြည့်လွန်နှစ်များကာလကို ဧရာမကွန်ပျူတာ ကြီးများခေတ် (Main Frame Computing)၊
၁၉၇၀ ပြည့်လွန်နှစ်များကာလကို မိုက်ကရိုကွန်ပျူတာခေတ် (Micro Computing)၊
၁၉၈၀ ပြည့်လွန်နှစ်များ ကာလကို တစ်ကိုယ်ရည်သုံး ကွန်ပျူတာခေတ် (Personal Computing)၊
၁၉၉၀ ပြည့်လွန်နှစ်များ ကာလကိုတော့ တစ်ကိုယ်ရည်သုံး ကွန်ပျူတာ အင်တာနက်ခေတ်(Desktop Internet Computing)၊
၂၀၀၀ ပြည့်လွန်နှစ်များကိုတော့ မိုဘိုင်းအင်တာနက် ကွန်ပျူတာခေတ် (Mobile Internet Computing)

ဟု သတ်မှတ်ထားသည်။

ဟာ ဒါဆို ခုခေတ်ကြီးက မိုဘိုင်းအင်တာနက် ခေတ်ကြီးပေါ့။ ကျွန်တော်တို့ နိုင်ငံကတော့ ဒက်စတော့ အင်တာနက်ခေတ်ကြီးထဲမှာ စပိ(Speed) အတုတွေနဲ့ ရုန်းကန်ရင်ဆိုင်ဆဲ၊ ဥပဒေအတုတွေနဲ့ လုံးထွေး ရစ်ပတ်နေဆဲ၊ မသထာရေစာကို ကိုယ့်ပိုက်ဆံ ကိုယ်အကုန်ခံ၊ ကိုယ့်ထမင်းကိုယ်စားပြီး လက်ဝါးကြီး အအုပ်ခံရဆဲ။ ဒီအတိုင်းသာ ရှေ့ဆက်သွာမယ်ဆိုရင် အင်တာနက်ဆိုတဲ့ကောင်က အပူလုံးကြွ ယူကြုံးမရ ဖြစ်နေ ကျွန်တော်တို့လဲ လူလုံးမလှ ဖြစ်နေဦးမှာပဲ ဖြစ်သည်။ ကဲ ဒါတွေထားလိုက်ပါကွာ တစ်နေ့နေ့မှာတော့ ပြန်ဆုံမှာပေါ့ ချစ်တဲ့သူငယ်ချင်းများ ဆိုတဲ့ စိုင်းစိုင်းခမ်းလှိုင်ရဲ့ သူငယ်ချင်းများနဲ့ပဲ စကားဖြတ်လိုက်ရပါသည်။ (မဟုတ်ရင် ဒီနေရာမှာ ပြောစရာတွေ များနေတာနဲ့ လက်ချောင်းလေးတွေရဲ့ စေညွှန်ရာကို မရောက်နိုင် ဖြစ်နေဦးမယ်။)

၂၀၀၀ ပြည့်လွန်နှစ်များကို မိုဘိုင်း အင်တာနက်ခေတ်ဟု မော်ဂန်စတန်လေ၏ အဆိုအရသိရသည်။ ထိုသို့ဆိုလျှင် ကျွန်တော်တို့ အတွက် ဆယ်နှစ်မျှပင် နောက်ကျကျန်နေခဲ့ပြီ ဖြစ်ကြောင်း တွေးဆနိုင်ပေသည်။ သို့သော် ကျွန်တော်တို့ နည်းပညာသမားများအဖို့ မျိုးကျော့မြိုင်သီချင်းထဲကလို တစ်မိနစ်နောက်ကျသွားပြီး ရထားကြီး ထွက်လို့ သွားပြီလို့ ဆိုရမည်ထက် ‘ ဆယ်နှစ်လောက် နောက်ကျသွားပြီ၊ အားလုံးထွက်လို့သွားပြီး ’ ဆိုသည့် သံစဉ်မျိုးက သိပ်ပြီး မဆန်းတော့ဟု ဆိုနိုင်သည်။

မိုဘိုင်း အင်တာနက်ခေတ်ကြီးကို လေ့လာကြည့်မည်ဆိုလျှင် ယခုကဲ့သို့ တော်လှန်ပြောင်းလဲနိုင်စွမ်းများ သယ်ဆောင်လာသော လက်သည် တရားခံများကို တွေ့ရမည်ဖြစ်သည်။ (တမင်သက်သက် လက်သည် တရားခံများဟု ရေးသားလိုက်ရပါသည်။ ဟုတ်တယ်လေ သူတို့ကြောင့် ပိုက်ဆံတွေ ကုန်ရတာ)

ကွန်ပျူတာ ဖန်သားမျက်နှာပြင်ကို တိတွေ့ခိုင်းစေနိုင်သော နည်းပညာ (Touch Screen Technology)

ကွန်ပျူတာ ဖန်သားပြင်ကို ထိတွေ့ခိုင်းစေရတဲ့ နည်းပညာမပေါ်ခင် အချိန်တုန်းကဆိုလျှင် မိုဘိုင်းပေါ်တွင် အင်တာနက်သုံးရသည်မှာ ဘယ်လိုမှ အဆင်မပြေ။ ကန့်သတ်ချက် များလွန်းသည့်အတွက် ဖုန်းသက်သက် အနေဖြင့်သာ သုံးဖြစ်သည်က များသည်။ Touch Screen Technology များ ပေါ်လာသောအခါ ပုံမှန် လက်တစ်ချောင်းဖြင့် ခိုင်းစေနိုင်ရုံအဆင့်မှာတင် အသုံးပြုရတာ အင်တာနက်သုံးရသည်မှာ သဘောတွေ့စရာ ဖြစ်လာသည်။ Multi-touch Technology ဟုခေါ်သော လက်ချောင်းများ အားလုံးဖြင့် ခိုင်းစေနိုင်သော အချိန်သို့ ရောက်လာသောအခါ ပိုပြီး တာသွားတော့သည်။

လက်ချောင်းများနှင့် ခိုင်းစေနိုင်သော နည်းပညာသည် လူသားများအတွက် အဆင်ပြေလွယ်ကူမှုများစွာကို သယ်ဆောင်လာပေသည်။ အသုံးပြုရအင်မတန် လွယ်ကူလာသလို ဆွဲဆောင်မှုလဲ အားကောင်းလာသည်။ ထို့ပြင် သင်ရပြုရလည်း လွယ်လာပြီး သုံးကြည့်ရုံဖြင့် သုံးတတ်လာသော အနေအထားကို ရောက်လာသည်။ ဟိုးယခင်က ခလုပ်များအတွက် သီးသန့်နေရာ ပေးစရာလိုခဲ့သော်လဲ Touch Screen နည်းပညာတွင် ကီးဘုတ်ကလဲ ဒီဖန်သားပြင်၊ ကွန်ပျူတာဖန်သားပြင်ကလဲ ဒီဖန်သားပြင် ဖြစ်လာသည်။ ဒီတော့ အရွယ်အစား သေးသေးနှင့် အလုပ်ဖြစ်သော အနေအထားကို ဖန်တီးနိုင်စွမ်း ရှိလာပေသည်။

Facebook, Twitter အစရှိသော လူမှုကွန်ယက်များ အံ့ချီးကုန်နိုင်ဖွယ် ဖြစ်ထွန်းကျယ်ပြန့်လာမှု

မိုဘိုင်း အင်တာနက်ခေတ်ကြီးကို အဓိကတွန်းပို့သော လက်သည် တရားခံတစ်ခုအနေဖြင့် လူမှုကွန်ယက်များကို စာရင်းသွင်းရမည်ဖြစ်သည်။ လူမှုကွန်ယက်များ ထွန်းကားလာမှုနှင့်အတူ ပိုပြီး လုံခြုံမှုရှိသော ပိုပြီး Privacy ကောင်းသော မိုဘိုင်းအင်တာနက်ကို အသုံးပြုလာကြသည်။ ထို့ပြင် Virtual Reality ဟု ခေါ်သော တကယ့်အစစ်အမှန် လူမှုဘဝဆန်လာသော အွန်လိုင်း ကွန်မြူနတီတွင် အချိန်မရွေး၊နေရာမရွေး ပါဝင်နိုင်စေရန် မိုဘိုင်းအင်တာနက်က အဓိကကျသော အခန်းကဏ္ဍဖြစ်လာသည်။ အဖိုးကြီးလဲ တွစ်၊ အဖွားကြီးလဲ တွစ်၊ မွေးကင်းစ အာဗြဲလေးလဲ တွစ်၊ ဖြုတ်ကိုက်လဲ တွစ်၊ အိမ်မြောင်ကြွက် ကျီးကန်းအော်လဲ တွစ် ဆိုသည့် ခေတ်ကို ရောက်လာသည်။ (တွစ်ဆိုသည်မှာ Twitter ဟု ခေါ်သော လူမှုကွန်ယက် စာကြောင်းတို စနစ်ကို အသုံးပြုရတာ သုံးသော Tweet ဆိုသည့် စကားကို ဆိုလိုသည်။) ကျွန်တော်တို့ နိုင်ငံတွင်တော့ Facebook ကို ခေါ်သော လူမှုကွန်ယက်က ပိုခေတ်စားသည်။ ဒီကို သီးချင်လုပ်ဆိုမည်ဆိုလျှင် Hip Hop သီချင်း တစ်ပုဒ်လို စပ်ဆိုမှ အဆင်ပြေမည် ထင်သည်။ နိုင်ငံရေးသမားတွေ လေပန်းနေတဲ့ နေရာ အဲဒါ ဖေ့စ်ဘုတ်(သံပြိုင်ရွတ်ဆိုရန်)၊ လူကြီးလူငယ် ဟိုဟာ ဒီဟာရှာတဲ့ နေရာ အဲဒါ ဖေ့စ်ဘုတ် (ဟိုဟာဆိုတော့ တစ်မျိုး မထင်ပါနဲ့ မိတ်ဆွေ အပေါင်းအသင်းများ ရှာတာကို ဆိုလိုပါတယ်)၊ ဟိုဟာ ဒီဟာ ဟုတ်တာ မဟုတ်တာ ဖွတဲ့နေရာ ဖေ့စ်ဘုတ်။

VoIP စနစ်ထွန်းကားကျယ်ပြန့်လာမှု (ရိုးရိုးမှတ်ရရင်တော့ အင်တာနက်ဖုန်းပေါ့)

VoIP စနစ်ထွန်းကားလာသည်နှင့်အတူ 2G, 3G ဆယ်လူလာ ဆက်သွယ်ရေး စနစ်ကို ယှဉ်ပြိုင်နိုင်စွမ်း ရှိလာသည်။ ထို့ပြင် ဝန်ဆောင်မှုပေးသူများ အနေဖြင့် ဈေးနှုန်းကို လျော့ချဝန်ဆောင်မှု ပေးနိုင်စွမ်းလဲ မြင့်လာပေသည်။ ထို့ပြင် အဆိုပါ VoIP စနစ်သည် အင်တာနက်ကို အခြေခံသည့် စနစ်ဖြစ်သည့်အတွက် ကျွဲကူးရေပါဆိုသလို မိုဘိုင်းနှင့် အင်တာနက် အစပ်အဟပ်ကို ပိုပြီး ပီပြင်လာစေသည်။

Mobile Market (မိုဘိုင်းကိရိယာများဖြင့် ဈေးဝယ်နိုင်သော ဈေးကွက်) ဖြစ်ထွန်းလာမှု

မိုဘိုင်းဈေးကွက်ကတော့ တစ်နေ့တစ်ခြား ကြီးကြီးလာသည်။ ငါးပွက်ရာ ငါးစာချသော ပုံစံမျိုး မဟုတ်တော့ပဲ။ နေရာတကာ ပွက်နေသော ငါးများအတွက် ငါးစာချစရာမလို တစ်ခါတည်း မျှားနိုင်သော ခေတ်ကို ရောက်လာပြီဆိုသည့်အတွက် လူတိုင်း မိုဘိုင်း ဈေးကွက်အတွင်း ဝင်ကစားလာကြသည်။ Entry Level အရ ဝင်သည့်အခါတွင်လဲ ကုန်ကျစရိတ်များ သက်သာလာသည့်အတွက် လက်တည့်စမ်းလိုသူ၊ လေ့လာလိုသူ၊ ပွပေါက်တိုးလိုသူ လူတိုင်း လူတိုင်းအတွက် တကယ့်ကို အရေးပါသော မဟာအခွင့်အရေးကြီး တစ်ခုဖြစ်လာလေသည်။ မိုဘိုင်းဈေးကွက်သည်လဲ အင်တာနက်ကိုသာ အခြေခံသည် ဖြစ်သည့်အတွက် ဒီနေရာတွင်လဲ ကျွဲကူးရေပါ ဖြစ်လာပြန်သည်။

iPhone ၏ အခန်းကဏ္ဍ

အဆိုပါ လက်သည် တရားခံလို့ ပြောမလား၊ အဓိက အကြောင်းတရားများဟု ပြောမလား မသိနိုင်သော အချက်များအပေါ်တွက် အကျိုးရှိရှိအသုံးချနိုင် အောင်နိုင်သူကြီးကတော့ iPhone ဟု ဆိုနိုင်မည်ဖြစ်သည်။ iPhone အနေဖြင့် မိုဘိုင်းအင်တာနက် ခေတ်တွင် အဓိကအရေးပါသော အကြောင်းအချက် အားလုံးကို အချိန်ကိုက် ထည့်သွင်းပေါင်းစပ်နိုင်စွမ်း ရှိခဲ့ကြောင်း တွေ့နိုင်ပေသည်။ Touch Screen Technology ၏ ဆွဲဆောင်နိုင်စွမ်း မာယာအပေါ်မှာ Multi-touch ကိုပေါင်းထည့်ပြီး မာန်နတ်မင်း၏ သမီးတော်များ ရှုံးလောက်အောင် မာယာတွေ အပြည့်ဖန်တီးနိုင်ခဲ့သည်။

လူမှုကွန်ယက်များအတွက်လဲ တစ်ခါတည်း ပေါင်းစပ်ထည့်သွင်းပြီး ဖြစ်သလို VoIP အတွက်လဲ အသင့် ဖုန်းအတွက်လဲ အသင့် အဲဒီအပြင်၊ မာယာမင်းသမီးများ တစ်နေရာတည်းတွင် စုဝေးပေါင်းစည်းနိုင်စေရန် Mobile Market Place ဖြစ်သည့် iTunes ဆိုသည့် ဇာတ်စင်ကြီးကိုလဲ တစ်ခါတည်း ဖန်တီးနိုင်ခဲ့သည်။ မာယာမင်းသမီးလေးများ၏ ဖမ်းစားမှုတွေ မျောပါနေသော သပ္ပူရိသအပေါင်း သူတော်ကောင်းတို့ကလဲ မင်းသမီးလေးများနှင့် အတူ အိုင်ကျူးဇာတ်စင်ကြီးကို အခစာမပျက် ကိုယ့်အိပ်ထဲက တစ်တိတိ ထွက်ကြတော့သည်။

စစ်တမ်းကောက်ယူချက်များအရ လစဉ်နှင့်အမျှ မိုဘိုင်းဈေးကွက်ဆိုင်ရာ လွှမ်းမိုးမှုအချိုးအစားတွင် ထိပ်ဆုံးမှာ ရှိမြဲ၊ ထိပ်ဆုံးတွင် ထိန်းသိမ်းထားနိုင်စွမ်းရှိမြဲ ဖြစ်သည့်အတွက် အိုင်ဖုန်းမင်းသမီးလေးများ၏ မာယာက အလုပ်ဖြစ်နေဆဲ ဖြစ်ကြောင်းတွေ့နေရသည်။ ထို့ပြင် ထိုမာယာရှင်လေးများအတွက် ဘယ်တော့မှ မရိုးနိုင်သော ကကွက်ဆန်းများကို အနက်ရောင်မှော်ဆရာကြီး စတိဂျော့(ဘ်)ကလဲ ချမှတ်ပြီး ဖြစ်ကြောင်း တွေးဆကြည့်နိုင်ပေသည်။ သူ တမလွန်ရောက်သွားသည့်အတွက် တစ်ခြား မိုဘိုင်းပြိုင်ဖက်များ အတွက် အခွင့်အလမ်းရှိလာသည်ဟု မြင်စရာရှိသော်လဲ စတိဂျော့(ဘ်) တစ်ဦးတည်းနဲ့ Apple မဖြစ်နိုင်ဟု သဘောရှိသည့်အတိုင်း နောက်လူများသည်လဲ ခေသူမဟုတ်ကြောင်း ခန့်မှန်းနိုင်ပေသည်။

ဆက်ပါဦးမည် …

© Thiha for Myanmar Tutorials, 2012. | Permalink | One comment | Add to del.icio.us | Add to Facebook
Post tags: Mobile, Touch Technology

Feed enhanced by Better Feed from Ozh

Useful Sublime Text Packages

Jia Li — Thu, 05 Jan 2012 22:09:16 +0000

နောက်ပိုင်းမှာ Developer တော်တော်များများကြိုက်နှစ်သက်လာတဲ့ Sublime Text Editor ရဲ့အသုံးဝင်တဲ့ Packages တွေကို ဖော်ပြပေးမှာပါ။ Sublime Text Editor မရှိသေးဘူးဆိုရင်တော့ ဒီမှာ Download လုပ်နိုင်ပါတယ်။

အခြား Packages တွေမသွင်းခင် Package Control ဆိုတဲ့ Package လေးကိုအရင်သွင်းရင်ပိုပြီးအဆင်ပြေပါလိမ့်မယ်။ Package Control ကိုသွင်းထားမယ်ဆိုရင် Package တွေအလွယ်တကူရှာလို့ရမယ်။ Sublime ကို restart လုပ်စရာမလိုဘဲ Package တွေ သွင်းလို့ရမယ် ဖျက်လို့ရမယ် upgrade လုပ်လို့ရပါမယ်။

Package Control.sublime-package ဆိုတဲ့ File ကိုအရင် download လုပ်ပါ။ ပြီးရင် Sublime ရဲ့ Packages > Installed Packages ဆိုတဲ့ folder ထဲကို ထည့်ပါ။ ပြီးရင် Sublime Text Editor ကိုဖွင့်ပြီး menu က Preferences > Browse Packages ကိုသွားပါ။ ပြီးရင် ခုနတုန်းက ထည့်ခဲ့တဲ့ Installed Packages ထဲက File ကိုရွေးလိုက်ပါ။ Install လုပ်ပြီးသွားပြီဆိုရင်တော့ Sublime ကို Restart လုပ်လိုက်ပါ။

ခုဆိုရင်တော့ အခြား Package တွေကိုအလွယ်တကူသွင်းနိုင်ပါပြီ။ Package Control နဲ့ install လုပ်မယ်ဆိုရင်တော့ Internet တော့ရှိဖို့လိုလိမ့်မယ်။ Offline သွင်းချင်တဲ့လူတွေကတော့ သူတို့ရဲ့ Github သို့မဟုတ် BitBucket ကနေ download လုပ်ပြီး Packages ဖိုလ်ဒါ ထဲကိုထည့်ပေးရပါမယ်။

Package Control ကို သုံးမယ်ဆိုရင်တော့ Ctrl+Shift+P ဆိုရင် Box တစ်ခုကျလာပါလိမ့်မယ်။ အဲမှာ Package Control ဆိုပြီး ရိုက်လိုက်ရင်
ပုံမှာပြထားတဲ့အတိုင်းမြင်ရပါလိမ့်မယ်။ အဲမှာ install package ဆိုတဲ့ ဟာကိုရွေးလိုက်ပါ။ အဲမှာ install လုပ်လို့ရမယ့် Package တွေ တွေ့ရလိမ့်မယ်။ အဲမှာ ကိုယ်သွင်းချင်တဲ့ဟာကို select လုပ်လိုက်ပါ။ သူဖာသူ install လုပ်သွားပါလိမ့်မယ်။

Manual Installation(offline) လုပ်မယ်ဆိုရင်တော့ ဒီpage ကနေကိုလိုချင်တဲ့ package ရဲ့ Github သို့မဟုတ် BitBucket ရဲ့ link ကိုရယူနိုင်ပါတယ်။

ခုအောက်မှာဖော်ပြမှာကတော့ အသုံးဝင်ပြီး ရှိသင့်တဲ့ Package အချို့ပါ။

Zen Coding

Zen Coding ကတော့အားလုံးသိတဲ့အတိုင်း Web Developer တိုင်းအတွက် မရှိမဖြစ် Tool လေးပါ။ Coding တွေကို လျင်မြန်စွာနဲ့ အလွယ်တကူ အလွန်အသုံးဝင်တဲ့ Tool ပါ။ Test Editor တိုင်းအတွက်လိုအပ်တဲ့ Tool လို့လည်းပြောလို့ရပါတယ်။

Prefixr

Prefixr ဆိုတာကတော့ Nettuts+ ကထုတ်ထားတဲ့ Cross-Browser CSS ဖြစ်အောင်လုပ်တဲ့ online tool တစ်ခုပါ။ အခု Sublime Text မှာ Prefixr API ကိုသုံးပြီး package လုပ်ထားပါတယ်။အသုံးပြုချင်တယ်ဆိုရင်တော့ မိမိပြောင်းချင်တဲ့ code နားမှာ cursor ချ ဒါမှမဟုတ် select လုပ်ထားပြီး Ctrl+Alt+X နှိပ်လိုက်တာနဲ့ Cross Browser CSS အဖြစ်ပြောင်းသွားမှာပါ။ ဥပမာ – ကိုယ်က border-radius:5px; လို့ပဲရေးပြီး
Ctrl+Alt+X သို့မဟုတ် Edit > Prefixr ဆိုပြီးလုပ်လိုက်တာနဲ့ -moz-border-radius:5px; -webkit-border-radius:5px; အစရှိသဖြင့်ထည့်ပေးမှာပါ။

SideBarEnhancements

ဒါကတော့ Sidebar က File တွေ Folder တွေ ကို Advanced Management လုပ်ခွင့်ပေးမှာပါ။ ပုံမှန် Default အနေနဲ့ဆို Rename, Delete စတာ လောက်ပဲပါပါတယ်။ ဒီ Package ကိုသွင်းပြီးရင်တော့ အခြား File တွေ ဥပမာ image file အစရှိတာတွေကို Sublime Text ကနေ Open with … ဆိုပြီး Explorer မှာအတိုင်း ဖွင့်လို့ရပါတယ်။ အခြား delete as “move to trash”, Duplicate စတာတွေလည်းလုပ်နိုင်ပါတယ်။

Sublimipsum

ဒါကတော့ Lorem ipsum (dummy text) ထည့်ပေးတဲ့ Package ပါ။ Ctrl + 1 ဆို Lorem ipsum ၁ကြောင်း၊ Ctrl + 2 ဆို ၅ကြောင်း၊ Ctrl + 3 ဆို ၁၀ ကြောင်းထည့်ပေးမှာပါ။

Alternative Autocompletion

ဒါသွင်းပြီးရင်တော့ TextMate မှာလို autocompletion ကိုရမှာပါ။ HTML, CSS, PHP အစရှိတာတွေ အပြင် Snippet တွေမှာသွင်းထားတဲ့ဟာတွေရဲ့ autocomplet ကိုလည်းရမှာပါ။ အကြိုက်ဆုံးနောက်တစ်ခုကတော့ ဒီစာလုံးကို တစ်ခါသုံးပြီးသွားရင် ဥပမာ variable name လိုမျိုးကို နောက်တစ်ခါသုံးမယ်ဆို autocompletion ထဲမှာဝင်နေပါတယ်။ အရမ်းကိုအဆင်ပြေပါတယ်။

ColorPicker

ColorPicker ကတော့ Mac နဲ့ Linux မှာပဲရပါတယ်။ Window မှာမရပါဘူး။ ColorPicker ကတော့ထူးထူးခြားခြားပြောစရာတော့မရှိပါဘူး။ ColorPicker box ပေါ်လာချင်ရင်တော့ Ctrl+Shit+c နှိပ်လိုက်ရုံပါပဲ။

Sublime Tweet

ဒါကတော့ထူးထူးခြားခြားပါပဲ။ အခြား Text Editor တွေမှာ တွေ့ရလေ့မရှိတဲ့ Package တစ်ခုပါပဲ။ (အခြားဟာတွေမှာရှိမရှိ သေချာတော့မသိပါ။) ဒါလေးကိုသွင်းပြီးရင်တော့ Sublime Text ကနေ Tweet လုပ်လို့ရမှာဖြစ်ပါတယ်။ မိမိရဲ့ Twitter Timeline ကိုလည်းကြည့်လို့ရပါတယ်။ Tweet လုပ်မယ်ဆိုရင်တော့ Tools > Tweet သို့မဟုတ် Ctrl+Shift+p နှိပ်ပြီး Box ထဲမှာ Tweet လို့ ရိုက်ပြီး Enter ခေါက်လိုက်ရင် Tweet box လေးကျလာပါလိမ့်မယ်။ ပထမဆုံးအကြိမ် ဆိုရင်တော့ twitter.com မှာ Login တောင်းပြီး Authenticate လုပ်ပါလိမ့်မယ်။ Timeline ကိုကြည့်ချင်ရင်တော့ Ctrl+Shift+p နှိပ်ပြီး Twitter Timeline လို့ရိုက်လိုက်ရင်ရပါပြီ။

အခြား အသုံးဝင်တဲ့ Package တွေလည်းအများကြီးရှိပါသေးတယ်။ Package Control က ဖြစ်ဖြစ် ဒီမှာ ဖြစ်ဖြစ်သွားကြည့်ပြီး စမ်းကြည့် နိုင်ပါတယ်။

အားလုံးအတွက်အသုံးဝင်မယ်ထင်လို့ ကိုယ်သိသလောက်ပြန် share လုပ်တာပါ။ အချိန်ပေးပြီးဖတ်တဲ့အတွက် အားလုံးကို ကျေးဇူးတင်ပါတယ်။

© Jia Li for Myanmar Tutorials, 2012. | Permalink | One comment | Add to del.icio.us | Add to Facebook
Post tags: Packages, Text Editor

Feed enhanced by Better Feed from Ozh

[updated]MM Explorer and Text Editor(MMETE)

luyo — Sun, 01 Jan 2012 13:13:27 +0000

အားလုံးပဲမင်္ဂလာပါ ဒီ app လေးကတော့ android user တွေအတွက် အသုံးဝင်မယ်ထင်ပါတယ်.. ဖုန်းမှာ root လုပ်ပြီးမြန်မာဖောင့်သွင်းစရာမလိုပဲ memory card ပေါ်မှမြန်မာလိုရေးသားထားသော ဖိုင်များမှတ်စုများကို ရေး ဖတ် သိမ်း နိုင်ခြင်း၊ ဖိုဒါအသစ်ဆောက်ခြင်း၊အမည်ပြောင်းခြင်း မှတ်စုအသစ်များရေးခြင်း တို့ကိုပြုလုပ်နိုင်မှာပါ…. root(/) အောက်မှာရှိတဲ့ဖိုင်များဖိုဒါများကို လဲဖတ်နိုင် ကူးယူနိုင်ပါတယ်.. ဒါပေမယ့် root မလုပ်ထားတဲ့အတွက်ကြောင့် ပြင်ဆင်ခွင့်တော့မရှိနိုင်ပါ.. ကီးဘုတ်ကိုတော့ ဒီဆိုဒ်မှာရှိသော
ကီးဘုတ်သုံးခု ထဲမှကြိုက်နှစ်သက်ရာ ကီးဘုတ်ကို အသုံးပြုနိုင်ပါတယ်… မြန်မာမှုပြုထားသော ကွန်ပြူတာသုံးစာလုံးများ မှားယွင်းခြင်း၊ သတ်ပုံမမှန်ခြင်းဖြစ်နေပါက ဝေဖန်ထောက်ပြပေးပါခင်ဗျာ…. ဒီ app ကအခုမှ beta-version အဆင့်မှာပဲရှိပါသေးတယ်…အသုံးပြုသူများအနေဖြင့်
အဆင်မပြေတာရှိခဲ့ရင် ကျနော့်ရဲ့လိုအပ်ချက်သာဖြစ်ပါတယ်…တွေ့ရှိတဲ့ error / bug များကို ပြန်လည်ထောက်ပြပေးခြင်းဖြင့် ကူညီပေးကြပါခင်ဗျာ… ~~android 2.1~~ နဲ့ အထက်အသုံးပြုနိုင်မှာပါ…

အဆင်မပြေတာရှိခဲ့ရင် အမှားတွေ့ခဲ့ရင် အောက်မှာကွန့်မန့်ပေးခဲ့ပါခင်ဗျ…

[updated 14.1.2012]

update features..
1.sorting
2.hidden file show/hide
3.Tablet UI

ဒီနေ့[၁၄-၁-၁၂] MMETE V.1 ကို release လုပ်လိုက်ပါပြီ.. beta-version မှာတုန်းက
android 2.1 နဲ့အထက် အသုံးပြုရအောင်ရေးထားခဲ့တာပါ.. အခုဒီဗားရှင်းမှာတော့ android 1.5 ကနေစပြီး အသုံးပြုနိုင်ပါပြီခင်ဗျ..
tablet user တွေအတွက်လဲအဆင်ပြေအောင် UI ကိုပြန်ပြင်ထားပါတယ်… screen capture တွေကိုတော့ ကိုသီဟအေးကျော် စမ်းပေးထားတာတွေတင်ပေးထားပါတယ်.. အမှားနည်းတဲ့ app လေးဖြစ်လာဖို့အတွက် အသုံးပြုသူတွေဆီက ပေးပို့လာမယ့် error/bug တွေကိုစောင့်မျှော်လျှက်..

အချိန်ပေးစမ်းသပ်ပြီး screen capture တွေကို တကူးတကပြန်ပို့ပေးတဲ့ ကိုသီဟအေးကျော်ကိုလဲ အထူးပဲကျေးဇူးတင်ပါတယ်ခင်ဗျ..

ဒီမှာဒေါင်းပါ…
MMETE [14.1.2012]

MMETE ifile.it [14.1.2012]

MMETE mediafire [14.1.2012]

layout-land

layout -port

ပျော်ရွှင်စွာအသုံးပြုနိုင်ကြပါစေ.ခင်ဗျာ..

Feed enhanced by Better Feed from Ozh

နည်းပညာနှင့် ဘောလုံးသမား

Thiha — Tue, 20 Dec 2011 06:54:23 +0000

ဒီစာကတော့ ကျွန်တော်နှင့် သင်ကြားမှုဆိုင်ရာ အတွေ့အကြုံများ ဒုတိယပိုင်းဟု ဆိုနိုင်မည် ထင်သည်။ ကျွန်တော်ကတော့ အားလုံးကို ဆက်ပါဦးမည်ဆိုပြီး ဆက်ရေးသွားပါမည်။ သို့သော် အားလုံးကတော့ တစ်ပိုင်းစီဟု ဆိုလို့ ရနိုင်မည် ထင်ပါသည်။

ကိုအောင်စည်သူ Myanmar Links မှာ Start-ups တွေအကြောင်း ဟောပြောပေးသွားသည်။ Start-ups များနှင့် ပတ်သက်ပြီး အတော်လေးကို ပြည့်ပြည့်စုံစုံ ပြောပြပေးသွားသည်။ အဲဒီအတွက် ကိုအောင်စည်သူကို ကျေးဇူးတင်မိသည်။ ကျွန်တော် မှတ်မိနေသည်က ကိုအောင်စည်သူ အရွှန်းဖောက် ပြောသွားသော စကားတစ်ခွန်းဖြစ်သည်။ အမေရိကန်က တက္ကသိုလ်တွေမှာ drop-out တွေ များလာနေတယ်ဆိုတဲ့ ကိစ္စဖြစ်သည်။ ကျွန်တော်တို့ မြန်မာနိုင်ငံမှာလဲ အဲဒီလို drop-out တွေ များနေသည်ပဲ။ drop-out ဆိုတာ ကျောင်းကို ပြီးဆုံးအောင် မတက်ပဲ တစ်ဝက်တစ်ပျက်နှင့် ထွက်လိုက်ကြသူများကို ဆိုလိုသည်။

အဲဒီတော့ သူတို့ဆီက drop-out နဲ့ ကျွန်တော်တို့ဆီက drop-out ဘာတွေကွာသလဲဟု ဆက်ပြီး လေ့လာကြည့်မိသည်။ သူတို့ဆီက drop-out ဆိုတာ တစ်ခုခုကို တီထွင် ဖန်တီးနိုင်သည့်အတွက် ရင်းနှီးမြှပ်နှံသူများက တွေ့သွားတဲ့အခါ၊ ဒါမှမဟုတ် တကယ့် ကုမ္ပဏီကြီးကြီး တစ်ခုခုက ခေါ်သွားတဲ့အခါ drop-out ဖြစ်သွားတတ်သည်။ ကျွန်တော်တို့ဆီက drop-out ဖြစ်သူများကတော့ ထိုသို့မဟုတ် အဝေးကြီးကို သွားတက်ရသည်။ ဒီတော့ မိဘအုပ်ထိန်းမှုအောက်က မလွတ်သင့်သော အရွယ်မှာ လွတ်သွားသည်။ ဒီတော့ ဖြစ်ချင်တိုင်း ဖြစ်တော့သည်။ အဆောင်ဆိုသည်မှာလဲ အပြင်ဆောင်တွေသာ ရှိသည်။ ကျောင်းဆောင်ဆိုတာ မရှိ။ အပြင်ဆောင်ဖြစ်သည့်အတွက် စည်ကမ်းပိုင်းတွင်လဲ အားနည်းမှာ သေချာသည်။ စည်းကမ်းရှိသည်ထား။ ကျောင်းသားများကတော့ လေးစားဖို့ လိုက်နာဖို့ အင်မတန် ခက်သည်။ အထူးသဖြင့် ရန်ကုန်မှ မအူပင်အထိ သွားတက်ရသည့် ကျောင်းသားများတွင် ထိုကဲ့သို့ ဇာတ်လမ်းတွေ ပိုများသည်။

သူတို့drop-out ကျွန်တော်တို့ drop-out အပုံကြီးကို ကွာနေပေသည်။ သူတို့တွေက ရေကန်အသင့် ကြာအသင့်မို့ drop-out လုပ်သွားခြင်းဖြစ်သည်။ ကျွန်တော်တို့တွေကတော့ ရေကန်မရှိ ကြာမရှိသဖြင့် drop-out လုပ်သွားကြရတာဟု ဆိုနိုင်သည်။ ဒီအပိုင်းက drop-out များနှင့် ပတ်သက်သည့် အပိုင်း။

နောက်တစ်ပိုင်းက တီထွင်ဖန်တီးမှုနှင့် ဆိုင်သည့်အပိုင်း၊ သူတို့ တက္ကသိုလ်တွေမှာ ဘယ် ကျောင်းသားတော့ ဘယ်လို အသစ်တစ်ခု ထွင်လိုက်မလဲ။ အဲဒီလို အသစ်က စီးပွားရေးအရ ဘယ်လို အကျိုးအမြတ် ရှိလာနိုင်မလဲ။ ဘယ်ကျောင်းသားတော့ ဖြင့် အလားအလာကောင်းတယ်၊ ငါတို့ ချိတ်ထားမှ ဖြစ်မယ် စသည်ဖြင့် အလုအယက် ခေါ်နေကြမှာ သေချာသည်။ ကျွန်တော်တို့ဆီမှာ အဲဒီလို အလေ့အကျင့်မျိုး ဘာကြောင့် မဖြစ်နိုင်ရတာလဲဟု မချိတင်ကဲ ဖြစ်မိသည်။ ခေါ်မည့်သူများဖက်ကလဲ မပြည့်စုံ ခေါ်ခံရသူများဖက်ကလဲ မပြည့်စုံနှင့် မုန့်လုံးစက္ကူကပ်နေ ခဲ့သည်မှာ နှစ်မည်ရွေ့မည်မျှ ကြာပြီနည်း။ ဟ ဒါတွေက အချိန်ယူပြီးမှ လုပ်ရတဲ့ ကိစ္စတွေက ခုရေတွင်းတူး ခုရေကြည်သောက်လို့ ရတဲ့ ကိစ္စမှမဟုတ်တာလို ဆင်ခြေပေးနိုင်သည်။ ပြန်မေးလိုသည်မှာ ခုရေတွင်းတူးဖို့ နေနေသာသာ လက်ယက်တွင်း ကလေးပင် တူးပါ၏လော။

ဒီနေရာမှာ အပိုင်းသုံးပိုင်းကို ခွဲခြားပြောရမည် ထင်သည်။ ပထမပိုင်းက Industry ပိုင်း၊ ကျွန်တော်က IT Industry ပိုင်းမှာဆိုတော့ အဲဒီဖက်သာ ပြောလိုပါသည်။ အဲဒီအပြင် ကျွန်တော် ပြောလိုသည်မှာ တက္ကသိုလ်ကြီးများမှ ဝန်ထမ်းကောင်းများ မွေးထုတ်ပေးစေရန် ပြောခြင်းမဟုတ်ပါ။ တီထွင်ဖန်တီးမှုဆိုင်ရာ အိုင်ဒီယာအသစ်မျာ ထုတ်ကုန် အသစ်များ ထုတ်သည့် အပိုင်းကို ဆိုလိုသည်။ ဝန်ထမ်းကောင်းများ ဆိုသည့် အပိုင်းတွင်တော့ သမင်မွေးရင်း ကျားစားရင်း ဆိုသည့် ဇာတ်လမ်းများသာ တွေ့နေရမှာ ဖြစ်သည်။ အဲဒီဇာတ်လမ်းတွေကလဲ ခုချိန်မှာ ရပ်ဖို့ လမ်းမမြင်သေး။

ဝန်ထမ်းကောင်းတွေ အတွက်တော့ လာလျောက်ပါ ငါတို့ စဉ်းစားပေးမယ်ဆိုရုံဖြင့် အလုပ်ဖြစ်နိုင်သော်လဲ တီထွင်ဖန်တီးမှုနှင့် ဆိုင်သော ကိစ္စများတွင် ထိုသို့ မဟုတ် သွားရှာရမှာ ဖြစ်သည်။ စောင့်ကြည့်ရမှာ ဖြစ်သည်။ ယခုတော့ ထိုသို့ မဟုတ်။ ငါ့တို့ဆီလာတင် ငါတို့ စဉ်းစားပေးမယ် ဆိုသည့် ပုံစံတွေ ဖြစ်နေသည်။ ခုမှ စခါစ အိုင်ဒီယာ ငယ်ငယ်အတွက် သူတို့တွင် လုံလောက်သော ယုံကြည်ချက် ရှိဖို့မလွယ်။ အဲဒါက လာပြပါဆိုရင် ဘယ်သူမှာ ပြရဲမည်မထင်။

ထို့ပြင် ကျွန်တော်တို့ မြန်မာနိုင်ငံ အနေဖြင့် တီထွင်ဖန်တီးမှုဆိုင်ရာများအတွက် ဆည်ပေါက်မှ ဗျိုင်းစောင့်သလို စောင့်၍ မဖြစ်နိုင်သော အခြေအနေကလဲ ရှိနေပြန်သည်။ ဆည်ပေါက်မှာ ဗျိုင်းစောင့်သည်ဆိုလျှင်လဲ ရေသာများ၍ ငါးမတွေ့ဆိုသည့် အဖြစ်နှင့်သာ ရင်ဆိုင်ရနိုင်ပေသည်။ တကယ်တန်း ဖြစ်သင့်သည်မှာ ငါးလည်းမွေး၊ စောင့်လည်းစောင့် ဆိုတာမျိုး ဖြစ်သင့်သည်။ ဟာ ဒါတွေက industry တွေရဲ့ အလုပ်မဟုတ်ပါဘူး။ တက္ကသိုလ်တွေက လုပ်ပေးရမှာပေါ့လို့ လွဲချလို့ ရကောင်းရနိုင်ပေသည်။ သို့သော် ဒီတောကို ကျော်လျှင် ဒီတောင်ကို ရောက်မည် သေချာနေပါလျှက် ဒီတောင်အကြောင်း မသင်ပေးလျှင် ဒီတောင်က အခွင့်အလမ်းတွေ မပြလျှင် အမောင်တောင်မှန်း မသိဆိုသည့် ကိန်းဆိုက်နိုင်ကြောင်း သိထားဖို့ လိုပါသည်။

ကျွန်တော်တို့ အဖြစ်က တီထွင်ဖန်တီးမှုနှင့် ဆိုင်သည့် ကိစ္စများဖွံ့ဖြိုးလာရန် မြေလွတ်မြေရိုင်း အဆင့်သာ ရှိသေးသည်။ ကံကောင်းသည်က မြေလွတ်မြေရိုင်းအဆင့်တွင် ရှိနေသေးသည်။ ဖုန်းဆိုးမြေမဖြစ်သေး။ အဲဒီအဆင့်သာ ရောက်လို့ကတော့ ဘယ်လောက် ရေလောင်းလောင်း ဘယ်လောက် ပေါင်းသင်သင်၊ အလုပ်ဖြစ်ဖို့ မလွယ်တော့။ ခက်သည်က ထိုကဲ့သို့ မြေလွတ်မြေရိုင်းကို ရေလောင်းပေါင်းသင် မလုပ်ခြင်းပင်။ ဟ ငွေရေးကြေးရေး အကျိုးအမြတ်မှ မရှိတာဟု ပြောလာလျှင်တော့ ပြန်ပေးလိုသည်မှာ မြေလွတ်မြေရိုင်းဆိုသည်မှာ ခုချက်ချင်း ရွှေသီး ငွေသီးထသီးဖို့ မဖြစ်နိုင်ပါဟု ပြန်ပြောရမည်ဖြစ်သည်။

ကျွန်တော် မြန်မာ့ဘောလုံးလောကက ဘောလုံးသမားတွေကို အားကျမိသည်။ သူတို့ ခြေစွမ်းလေး ကောင်းတာနဲ့ လစာ ဆယ်သိန်း သိန်းနှစ်ဆယ်၊ ပြောင်းရွေ့ကြေး အပုံအပင် ပေးဖို့ ဝန်မလေးကြ၊ ဘောလုံးသမား များအနေဖြင့်လဲ နေ့ခြင်းညခြင်း သမက်ဖမ်းချင်စရာ ဖြစ်လာတော့သည်။ သို့သော်အစပိုင်းမှာ ကျွန်တော်ကိုယ်တိုင် ဘောလုံးသမားများကို ကြည့်မရ။ ဘောလုံးလေးကန်ဖို့ အရေး ဆံပင်လေးသတ်လိုက် ကေလေးသလိုက်နှင့် စတိုင်ထုတ်နေသည်က များသည်ဟု ကျွန်တော်ထင်သည်။ နိုင်ငံတကာပွဲများတွင်လဲ အရင်က ကြေးစား ပရို မဖြစ်ခင်ကထက် ပိုပြီး ရှုံးလာသည်ဟု ကျွန်တော်ထင်သည်။ သို့သော် ပြီးခဲ့သည့် ဆီးဂိမ်းကတော့ ထိုသို့ မဟုတ်တော့ ပရိုအဆင့် တစ်ဆင့်ကို တက်လာပြီဟု ကျွန်တော် ယူဆသည်။ ဘောလုံးသမားများသည် စတိုင်သမားများ မဟုတ်တော့ တကယ့်ကို မလိုင်သမားတွေ ဖြစ်လာသည်။ မြန်မာအသင်းပွဲတိုင်းကို ကျွန်တော် တစ်ဝကြီး အားပေးပြီး ကြည့်မိသည်။ ဂိုးတစ်ဂိုးသွင်းတိုင်း အားရပါးရအော် ဖြစ်သည်။ နောက်ဆုံး မလေးကို ရှုံးသွားတော့လဲ စိတ်အေးလက်အေးပင် ငါတို့တွေအကောင်းဆုံး ကြိုးစားခဲ့ကြတယ်၊ ဒီတော့ ရှုံးတာ တန်တယ်ဟု ပျော်ရွှင်နေမိသည်။

ကျွန်တော် ဘောလုံးပွဲကြည့်ရင်း ဘောလုံးပွဲနိုင်သည့်အတွက် ပျော်သလို တစ်ဖက်ကလဲ စိတ်ထဲတွင် ကြိတ်ပြီး ဝမ်းနည်းလာသည်။ ထုံးစံအတိုင်း နည်းပညာ သမားဆိုတော့ နည်းပညာသမား၊ တီထွင်ဖန်တီးရေး သမားများအတွက် ဆိုသည့်ဖက်ကို ရောက်သွားသည်။ ကျွန်တော်တို့နည်းပညာ တီထွင်ရေးသမားတွေကို ဘောလုံးသမားတွေလောက် ဘာကြောင့် မေတ္တာမထားနိုင်ကြတာလဲ။ အဲဒီလို တွေးမိပြီး စိတ်ထဲမှာ ကြိတ်ပြီး ဝမ်းနည်းလာမိသည်။

ကျွန်တော် စိတ်ကူးဆက်ပြီး ယဉ်မိသည်။ ကျွန်တော်တို့ Myanmar Tutorials တွင် မိမိရှိသမျှ Resources လေးများကို အသုံးချပြီး အများကောင်းကျိုးအတွက် MyanDroid, Android Dictionary, Frozen Keyboard, iTextMM, My Collections, ShweYoe, Text to Speech စသည်ဖြင့် တင်ကြတာရှိသည်။ ဘောလုံးအသင်း တစ်သင်းစာ မပြည့်တောင် တစ်ဝက်တော့ ရှိပြီထင်သည်။ အကယ်၍သာ Myanmar Tutorials အသင်းအတွက် ဖိတ်ခေါ်ပြီး ကန်ခိုင်းမည်ဆိုလျှင် DhStream တို့ iDhamma တို့ကလဲ မေတ္တာဖြင့် ဝင်ကန်ပေးကြမည် ထင်သည်။ သို့သော် အခုအချိန်အထိ စပွန်ဆာ မရှိသေး MyanDroid, FrozenKB တို့ဆိုလျှင် တစ်ခုတည်းနှင့် ဘောလုံးအသင်း တစ်သင်းစာ ဖြစ်နိုင်စွမ်းရှိကြသည်။ သို့သော် သူတို့မှာ စပွန်စာ နတ္တိ။ ခုခေတ် စပွန်စာအပေါ် ပြောကြသော အဓိပ္ပါယ်အရ အော်ငါတို့က စပွန်ဆာပေး လောက်အောင် ဆွဲဆောင်နိုင်စရာတွေ မရှိလို့ပဲဟု ဖြေသိမ့်မိသည်။ နောက်ဆုံး ကောက်ချက် ချရရင်တော့ ကျွန်တော်တို့ နည်းပညာ တီထွင်ရေးသမားများသည် ဘောလုံးသမားများထက် များစွာ သနားစရာကောင်းပေသည် ဟုသာ။

ကျွန်တော် တီထွင်လိုစိတ်မရှိဘူး၊ မရှိဘူးဟု တွင်တွင်ငြင်းနေသော သူများကို နမူနာပြလိုသည့်အတွက် Myanmar Tutorials က Application များကို ထုတ်ပြခြင်းဖြစ်သည်။ အခြား KeyMagic တို့ Mogkok Browser တို့ စသည်ဖြင့် အများကြီး ရှိနေသေးသည်။ ခက်သည်က တစ်ခုတည်းနှင့် ပြီးပြီးသွားခြင်းပင်၊ တီထွင်သူများဖက်ကို ကြည့်မယ်ဆိုလျှင်လဲ သူတို့ ဒီတစ်ခုထွင်ဖို့ အချိန်တွေ အများကြီး ရင်းလိုက်ရသည်။ ငွေတွေရင်းလိုက်ရသည်။ ဦးနှောက်တွေ အများကြီး ရင်းနှီးလိုက်ရသည်။ စီးပွားရေး အကျိုးအမြတ်တစ်ခုကို ဦးတည် တွယ်ချိတ်နိုင်လျှင်တော့ အခြေအနေကောင်းပြီး ရှေ့ဆက်လုပ်နိုင်ပေမယ့် စကတည်းက စီးပွားရေးအတွက် မဟုတ် ပရဟိတအတွက် လုပ်သည့် ကိစ္စများအတွက်တော့ ရှေ့ဆက်ရန် မလွယ်သော အနေအထား ဖြစ်သွားမှာ သေချာသည်။

သို့သော် ဒီနေရာတွင် တစ်ခုပြောလိုသည်မှာ ဒီကောင်လေး တီထွင်နိုင်တယ်။ တော်တယ်။ လာထား ငါ့ကုမ္ပဏီမှာလုပ်၊ ငါခိုင်းတာလုပ်ဆိုလျှင်လဲ နဂိုမူလ တီထွင်နိုင်စွမ်းများကို သတ်ပစ်လိုက်သလိုသာ ဖြစ်သွားမှာ သေချာသည်။ တစ်ကယ်တန်း ဖြစ်သင့်သည်က ဘာတွေ ရှေ့ဆက်အိုင်ဒီယာတွေ ရှိလဲ။ အဲဒီ အိုင်ဒီယာတွေ အကောင်အထည်ဖော်ဖို့ ဘာတွေလိုလဲ။ ဘာတွေ ပံ့ပိုးပေးရမလဲ စသည်ဖြင့်သာ ဖြစ်သင့်သည်။ ထွက်လာသမျှ ငါအပိုင်နော်။ မင်းကို ဒါတွေပေးတာ ငါရောင်းစားမလို့ ဆိုသည့် ပုံစံမျိုးလဲ မဖြစ်သင့်။ တကယ့်ကို တီထွင် ဖန်တီးမှုအတွက် အားပေးသော အစီအစဉ်များသာ ဖြစ်သင့်ပါသည်။

ကျွန်တော်က အပေါ်ပိုင်းမှာ အပိုင်းသုံးပိုင်းခွဲပြောမည်ဟု စကားစထားသည်။ ကဲ ခုရှေ့ဆက်မည့် အပိုင်းက တက္ကသိုလ်များအပိုင်း၊ တက္ကသိုလ်များ အနေဖြင့် နိုင်ငံသားကောင်းများ ဖြစ်ထွန်းလာရန် တည်ထောင်ထားခြင်း ဖြစ်ကြောင်းလူတိုင် သိပေသည်။ သို့သော် ဝန်ထမ်းကောင်းများ ဖြစ်လာရန်အတွက် တစ်ခုတည်း မဟုတ်။ တီထွင်ဖန်တီးမှုနှင့် ဆိုင်သော နိုင်ငံသားကောင်းများ ထွက်လာရန်လဲ တာဝန် ရှိသည်။ ကျွန်တော်က နည်းပညာသများ ဖြစ်သည့်အတွက် နည်းပညာဆိုသည့် အပိုင်းမှ အထူးသဖြင့် ကွန်ပျူတာ နည်းပညာအပိုင်းမှ အဓိက ပြောလိုပါသည်။ တီထွင်ဖန်တီးနိုင်သည့် အနေအထားတစ်ခု ဆိုသည်ကို ကြိတ်လုံး သုံးခုရှိသည့် ကြံရည်ကြိတ်စက် တစ်ခုအဖြင့် ကျွန်တော် ဥပမာ ပေးလိုသည်။ ကျန်သည့် အပိုင်းတွေလဲ အများကြီး ရှိနိုင်သော်လဲ အဆိုပါ ကြိတ်လုံး သုံးခုသည် အဓိကအကျဆုံး ဖြစ်မည်ဟု ကျွန်တော် ယူဆသည်။ ပထမတစ်ခုက Knowledge ဆိုသည့် ကြိတ်လုံး၊ global knowledge ဖြစ်လျှင် global အထိသွားနိုင်သော ထုတ်ကုန်များ ဖြစ်လာနိုင်သည်။ local knowledge ဆိုလျှင် local အထိ သွားနိုင်သော ထုတ်ကုန်များ ဖြစ်လာနိုင်သည်။

အဲဒီလို knowledge ဆိုလျှင် အများအားဖြင့် စာကြည့်တိုက်များကို ပြေးမြင်ကြသည်။ သို့သော် ယခုခေတ် တက္ကသိုလ်များအတွက် စာကြည့်တိုက်များသည် မလုံလောက်တော့ အဆင့်ရောက်နေပြီဟု ဆိုနိုင်သည်။ စာကြည့်တိုက်များသည် အကြောင်း မညီညွတ်သောကြောင့် ဘောင်းဘီဝတ်ကာ မိုးပေါ်တက် သွားကြလေသည်။ အင်တာနက်သည်ပင် စာကြည့်တိုက် ဖြစ်သွားကြောင်း နိုင်ငံတိုင်း နိုင်ငံတိုင်း အသိအမှတ်ပြုနေကြရပြီ ဖြစ်သည်။ ထို့ကြောင့် တက္ကသီလာများတွင် wi-fi area များထားရှိပေးခြင်း ကျောင်းသားများအတွက် သီးသန့်ကွန်ယက်များ ထားရှိပေးခြင်း စသည်ဖြင့် မိုးပေါ်က စာကြည့်တိုက်များ ဖန်တီးပေးကြလေသည်။ စာကြည့်တိုက်မရှိလျှင် knowledge မရှိနိုင်ဟု ကောက်ချက်ချလျှင် မိုးပေါ်စာကြည့်တိုက် ဖြစ်သော အင်တာနက် မရှိလျှင် knowlege လည်း ဖြစ်လာနိုင်စရာ အကြောင်း မရှိဟု ကောက်ချက်စွဲရမည် ဖြစ်သည်။

knowledge ၏ နောက်တွင် လက်တွေ့နှင့် သီအိုရီ နှစ်ခုတွဲပြီး ပါလာသည်။ လက်တွေ့မပါသော သီအိုရီနှင့် သီအိုရီမပါသော လက်တွေ့ တစ်ခုမှ အလုပ်မဖြစ်နိုင်ပေ။ ကျွန်တော် စာသင်ရာတွင် အမြဲပြောလေ့ရှိသော ဥပမာတစ်ခုတွင် အိုင်တီဆိုသော စကားရပ်ကို အလုံးတစ်လုံးဟု ယူဆလျှင် အိုင်ဖက်က တစ်ခြမ်း တီဖက်က တစ်ခြမ်း နှစ်ခုပေါင်းမှာ တစ်လုံးဖြစ်နိုင်ပေသည်။ အိုင်ဖက်က သီအိုရီကဲသည်။ တီဖက်က လက်တွေ့ကဲသည်။ လက်တွေ့ပဲ ဆက်တိုက်သွားပါကလဲ သီအိုရီပိုင်း မမိသဖြင့် ရေရှည်တွင် အဆင်ပြေနိုင်သော တီထွင်ဖန်တီးမှုဆိုင်ရာ ထုတ်ကုန်တစ်ခု ဖြစ်မလာနိုင်သလို သီအိုပဲသိပြီး လက်တွေ့မရှိလျှင်လဲ ထုတ်ကုန်ဖြစ်လာနိုင်စရာ အကြောင်း မရှိပေ။ တက္ကသိုလ်များတွင် လက်တွေ့ပိုင်း အင်မတန် အားနည်းနေပြီး သီအိုရီများသာ ကဲနေသည်ဟု ကျွန်တော် ရိုးသားစွာ ပြောလိုပါသည်။

သို့သော် တစ်ခြားဘာသာရပ်များကဲ့သို့ ငါတို့က သီအိုရီတွေ သင်ပေးလိုက်မယ် လက်တွေ့ပိုင်းကို အပြင် အလုပ်လုပ်တော့မှ သင်ဆိုတာမျိုး အိုင်တီဖက်မှာ အလုပ်မဖြစ်။ အင်ဂျင်နီယာ ဘာသာရပ်များတွင် ထိုကဲ့သို့ ချဉ်းကပ်၍ ရကောင်းရနိုင်သော်လဲ အိုင်တီ၏ Life Span နှင့် Speed သည် အလွန် လျှင်မြန်လွန်းသည့်အတွက် သီအိုရီနှင့် လက်တွေ့ ခွဲခြားသင်ကြားရန် မဖြစ်နိုင်ပေ။ ထို့ပြင် သီအိုရီနှင့် လက်တွေ့ နီးကပ်လွန်းသည့်အတွက် အစပ်အဟပ် တည့်နေမှသာ နားလည်နိုင်စွမ်း အသုံးချနိုင်စွမ်း မြင့်လာမည့် အနေအထားကလဲ ရှိနေသေးသည်။ တက္ကသိုလ်များ အနေဖြင့် တီထွင်ဖန်တီးနိုင်စွမ်းရှိသော သူများဖြစ်လာစေရန် knowledge ground နှင့် practical ground ကို အစွမ်းကုန် မြှင့်တင်သင့်ကြောင့် တိုက်တွန်းရမည် ဖြစ်သည်။

ဆက်ပါဦးမည် …

© Thiha for Myanmar Tutorials, 2011. | Permalink | 8 comments | Add to del.icio.us | Add to Facebook
Post tags: technology

Feed enhanced by Better Feed from Ozh

Simple Guestbook တစ်ခုပြုလုပ်ခြင်း

Hein Zaw Htet — Wed, 14 Dec 2011 08:41:12 +0000

၎င်း Tutorials ဟာ PHP Beginner များအတွက်ရည်ရွယ်ပါတယ်။ PHP ဖြင့် Simple Guestbook ပြုလုပ်ပုံကို ဖော်ပြပေးမှာဖြစ်ပါတယ်။ ပြီးပြည့်စုံတဲ့ Guestbook ဖြစ်ဖို့ဆိုရင်တော့ pagination တွေ ၊ Admin အတွက် Moderation feature တွေနဲ့ ၊ Security ကောင်းမွန်ဖို့လိုပါတယ်။ PHP ကနေ အစအဆုံးမဟုတ်ဘဲ framework သုံးပြီးရေးမယ်ဆိုရင်တော့ ဒီလို ပြည့်စုံတဲ့ guestbook ကို ခနလေးနဲ့ ပြီးအောင်ရေးလို့ရပါတယ်။ ဒါပေမယ့် ဒီ Tutorials မှာတော့ သာမာန် guestbook ပြုလုပ်ပုံကိုသာ ဖော်ပြပေးမှာဖြစ်ပါတယ်။

အဆင့် – ၁

phpMyadmin ထဲမှာ myanmarwebdev ဆိုတဲ့ Database တစ်ခု‌ဆောကပါမယ်။

Guestbook Table ‌ဆောက်ပါမယ်။ ဒီလို‌ဆောက်မယ်ဆိုရင် Field ‌တွေအ‌နေနဲ့ id လိုပါမယ် ၊ guestbook မှာ ဝင်‌ရေးမယ့်သူရဲ့ နာမည်အတွက် Name, Email, Comment နဲ့ Comment ‌ပေးတဲ့အချိန်ကိုမှတ်ဖို့အတွက် Date Time လိုပါမယ်။ ၎င်း Table ‌ဆောက်ဖို့အတွက် ‌အောက်က SQL ထည့်ပြီး Go နှိပ်ပါ။

အဆင့် – ၂

User ‌တွေ Guestbook ထဲမှာ Comment ‌ပေးနိုင်ဖို့အတွက် guestbook.php ‌ဆောက်လိုက်ပါမယ်။





Test Sign Guestbook 

















Name

:







Email

:







Comment

:







 

 

 

















View Guestbook

Name အတွက် input ကို name=”name”

Email အတွက် Input ကို name=”email”

Comment အတွက် Input ကို name=”comment”

Submit အတွက် Action=”addguestbook.php” လုပ်ထားပါတယ်။ ထို့အတွက်‌ကြောင့် addguestbook.php ‌ဆောက်ရပါမယ်။

အဆင့် – ၃

addguestbook.php ‌ဆောက်ပါ။ ပထမဦးစွာ Database ကို Connect လုပ်ပါမယ်။

YOUR_MYSQL_USERNAME နဲ့ YOUR_MYSQL_PASSWORD ‌နေရာတွင် မိမိ MYSQL Username နဲ့ Password တို့ကိုထည့်ပါ။

‌နောက်ထပ်က User က ထည့်လိုက်တဲ့ Comment ‌တွေ Database ထဲဝင်‌အောင် လုပ်ရပါမယ်။ ‌အောက်က Code ကိုထည့်လိုက်ပါ။

$datetime=date("y-m-d h:i:s"); //date time

$name = $_POST['name'];

$email = $_POST['email'];

$comment = $_POST['comment'];

$sql="INSERT INTO $tbl_name(name, email, comment, datetime)VALUES('$name', '$email', '$comment', '$datetime')";

$result=mysql_query($sql);

query လုပ်တာ Successful ဖြစ်တယ်ဆိုရင် ပြမယ့် Message နဲ့ Unsuccessful အတွက် Message တို့ကို‌ရေးပါမယ်။ ၎င်းအတွက် If else statement နဲ့‌ရေးရပါမယ်။

if($result){

echo "Successful";

echo "
";

echo "View guestbook";

}

else {

echo "ERROR";

}

‌နောက်ဆုံးကျန်တာက‌တော့ Database Connection ကို ပြန်ပိတ်ရပါမယ်။

mysql_close();

?>

အဆင့် – ၄

အခုဆို Guestbook မှာ Comment ‌ပေးလိုက်ပြီဆိုလျင် Database ထဲကိုဝင်‌ရောက်ပြီဖြစ်ပါတယ်။ ၎င်း Database ထဲက Comment ‌တွေကို Name နဲ့တကွ ထုတ်ပြဖို့ကျန်ပါ‌သေးတယ်။

ထို့အတွက်‌ကြောင့် viewguestbook.php ဆိုပြီး ဖိုင်အသစ်‌ဆောက်လိုက်ပါမယ်။ Database Connect လုပ်မှာဖြစ်ပါတယ်။

ထုံးစံအတိုင်း YOUR_MYSQL_USERNAME နဲ့ YOUR_MYSQL_PASSWORD ‌နေရာတွင် မိမိ MYSQL Username နဲ့ Password တို့ကိုထည့်ပါ။

၎င်း Database ထဲက Comment ‌တွေကို While နဲ့ Loop ပတ်ပါမယ်။

while($rows=mysql_fetch_array($result)){

?>









ID

:







Name

:







Email

:







Comment

:







Date/Time 

:

အထက်ပါ Code မှာ ID, Name, Email, Comment နဲ့ Datetime အားလုံးထုတ်ပြထားပါတယ်။

ပြီးပြီဆိုလျင် Database Connection ပြန်ပိတ်ရပါမယ်။

အခုဆိုရင်‌တော့ အ‌ခြေခံ Guestbook တစ်ခုဖြစ်ပါသွားပြီဖြစ်ပါတယ်။

Feed enhanced by Better Feed from Ozh

GAE 101

အဲမွန် — Tue, 06 Dec 2011 03:54:39 +0000

ဆက်လက်ပြီးတော့ Application Engine ရဲ့ အစိတ်အပိုင်းတွေကိုဆက်လက်လေ့လာကြည့်ပါမယ်။

App Master : ကဘယ်အပိုင်းကိုတာ၀န်ယူသလဲဆိုရင်ကိုယ်က ကိုယ့်စက်ထဲမှာရေးထားတဲ့ GAE project ကို cloud ပေါ် deploy လုပ်လိုက်ရင် ကိုယ့်ရဲ့ project က current ဘယ်ဗားရွင်းကိုရောက်နေပြီလဲဆိုတဲ့ verstion control အပိုင်းကိုတာ၀န်ယူပါတယ်။

Front End : ကသာမန် Web Server လိုဘဲ user request လုပ်ရင် reply ပြန်ပေးဖို့တာ၀န်ယူပါတယ်။ request တွေက client တွေဆီကနေ အနီးဆုံး Google Data Center ကိုရောက်မှာပါ။ maximum request size က 10 MB လောက်ထိရပြီး file upload က 50 MB လောက်ရပါတယ်။ static content ကို request လုပ်ရင် Static Files Server ကို transfer လုပ်ပေးပါတယ်။ Dynamic content request တွေဆိုရင်တော့ App Server တွေဆီ transfer လုပ်ပေးပါတယ်။

Static File Server: မှာတော့ appengine-web.xml မှာ သတ်မှတ်ပေးထားတဲ့ HTML file တို့ image file တွေစတဲ့ static contents တွေချည်း ကိုဘဲ application code တွေနဲ့ခွဲ သိမ်းပါတယ်။

App Server : ကတော့ dynamic content တွေ request လာရင်လုပ်ဆောင်ပေးဖို့ပါ။ request တိုင်းကို JVM တစ်ခုဆီမှာအလုပ်လုပ်ပေးတာဖြစ်ပြီး အများဆုံးapplication တစ်ခုက request 30 handle လုပ်နိုင်ပါတယ်။

၂၀၀၈ခုနှစ်တုန်းကတော့ GAE ကို Python language နဲ့ဘဲ release လုပ်ခဲ့တာဖြစ်ပြီး ၂၀၀၉မှာတော့ Java နဲ့ရေးနိုင်လာပါတယ်။ဒီတော့ GAE ကို JVM compatible ဖြစ်တဲ့ JRuby တို့ Groovy တို့နဲ့ရေးနိုင်ပါတယ်။

GAE ကို 500 MB space လောက်နဲ့ တစ်လကို ၅သန်း page view ထက်နည်းတဲ့ ဖရီး ကိုတာ (free quota) နဲ့စပြီး run နိုင်ပါတယ်။ ဒီထက်ပိုပြီး resource သုံးချင်လာပြီဆိုရင်တော့ utility computing အတိုင်းကြိုက်သလောက်သုံးပိုက်ပိုက်ပေး ပုံစံပါဘဲ။ GAE account တစ်ခုကို developer တွေအနေနဲ့ project 10 ခုဆောက်လို့ရပါတယ်။

Time per request : 30sec

Blobstore size: 2GB

HTTP response size : 10 MB

Datastore item size : 1 MB

Application code size: 150 MB

ကဲအခု GAE project တွေကို Java language နဲ့ရေးဖို့အတွက်အခြေခံလိုအပ်ချက်လေးတွေကိုကြည့်လိုက်ကြရအောင်။

JRE
Google App Engine SDK for Java
Eclipse
Google App Engine plug-in for Eclipse

အပေါ်က အချက်သုံးချက်က Java JDK သွင်းရမှာရယ် eclipse install လုပ်ထားရမှာရယ်၊ GAE SDK download လုပ်ရမှာဖြစ်ပါတယ်။ Eclipse မှာ plug-in သွင်းဖို့အတွက် Help > Install New Software.

Plugin နဲ့ SDKs ပေါ်လာရင် check ရွေးပေးပြီး license agreement ယူပြီး install လုပ်ပါ။ ပြီးရင်တော့ eclipse ကို restart ပြန်လုပ်ရပါမယ်။ GAE plug-in အဆင်ပြေရင်တော့ အခုလိုမျိုး tool bar မှာ plug-in တွေ၀င်လာတာတွေ့ရမှာပါ။

နောက်တဆင့်က ခါတိုင်းလိုဘဲ Window > Preference ကနေ GAE SDK ရဲ့ location ကိုပြန်ချိန်ပေးရမွာပါ။

အခုလို installation လုပ်ပြီးပြီဆိုရင်တော့ GAE project လေးတစ်ခုစပြီးရေးကြည့်နိုင်ပါပြီ။

File > New > Others > Web Application Project

အခု GAE project ဘဲဆောက်မွာဖြစ်တဲ့အတွက် GWT ကိုအမွန်ခြစ်ဖြုတ်ထားပေးပါ။ GAE project မွာအခုလို လိုအပ်တဲ့ index.html တို့ web.xml တို့ လိုအပ်တဲ့ library file တွေ appengine-web.xml စတဲ့ လိုအပ်တဲ့ file တွေကို အခုလို configure ချပေးထားတာတွေ့ရမွာပါ။

အခု Hello world GAE project လေးကို run ကြည့်ဖို့အတွက် project name မွာ Right click > Run as > Web Application လို run လိုက်ရင် Console မှာ warning တွေတက်လာပြီး

INFO: The server is running at http://localhost:8888/

ဆိုတဲ့စာကြောင်းတွေ့ရင်တော့ Browser မှာ run ကြည့်နိုင်ပါပြီ။ ပထမဆုံးအကြိမ် run တာဆိုရင်တော့ Browser မှာ plug-in တစ်ခုကို Allow နဲ့ install လုပ်ပေးရင်တော့ အခုလို GAE project run နေတာမြင်ရမှာပါ။

GAE နဲ့ project တော့ ရေးပြီးပြီ ဒီ project ကို cloud ပေါ်တင်ဖို့ဆိုရင်တော့ project name > right click > Google > Deploy to App Engine

Deploy လုပ်တဲ့အခါ internet connection ကောင်းဖို့နဲ့ GAE မှာ ကိုယ်ဖွင့်ထားတဲ့ account email , password တွေထည့်ပေးတော့လိုပါလိမ့်မယ်။ Deploy လုပ်ပြီးရင်တော့ https://မိမိapplicationID.appspot.com ကနေကိုယ့် application ကိုခေါ်ကြည့်နိုင်ပါတယ်။ ကိုယ်ပိုင် ဒိုမိန်း name ၀ယ်ပြီးတော့လည်း မိမိ ဒိုမိန်း name ကို refer လုပ်ပေးနိုင်ပါတယ်။ အရင်ဆုံး GAE နဲ့ account ဖွင့်ထားတဲ့ mail နဲ့အခုလို ကိုယ့် project အတွက် Application တစ်ခုနာမည်တူနေမလား အရင်စစ်ပြီး create လုပ်ထားရပါမယ်။

ကိုယ် create လုပ်ထားတဲ့နာမည်နဲ့ ကိုယ့် GAE application setting ကို Project name >> Right Click >> App Engine Setting ထဲတွင် application ID နဲ့ version တွေကို define လုပ်ပေးပါ။

အားလုံးပြီးသွားရင်တော့ Deploy to App Engine လုပ်လိုက်ရင် ကိုယ့် project လေး cloud ပေါ်တက်သွားပါလိမ့်မယ်။

Be happy

aemon

Feed enhanced by Better Feed from Ozh

Myanmar Tutorials

Page Transition with HTML + CSS3

Home

Portfolio

About

Contact

Page Transitions with CSS3

DEFINED tab

[Updated New Book] .Net Framework with OOP (PDF)

လက်ချောင်းများ၏ စေညွှန်ရာသို့ အပိုင်း(၂)

လက်ချောင်းများ၏ စေညွှန်ရာသို့ (သို့)​Mobile Touch Technology

Useful Sublime Text Packages

Zen Coding

Prefixr

SideBarEnhancements

Sublimipsum

Alternative Autocompletion

ColorPicker

Sublime Tweet

[updated]MM Explorer and Text Editor(MMETE)

နည်းပညာနှင့် ဘောလုံးသမား

Simple Guestbook တစ်ခုပြုလုပ်ခြင်း

အဆင့် – ၁

အဆင့် – ၂

အဆင့် – ၃

အဆင့် – ၄

GAE 101

လက်ချောင်းများ၏ စေညွှန်ရာသို့ (သို့)Mobile Touch Technology